Направив експериментален крем против комарци и се покажа како многу ефикасен! Еве го рецептот!

Правев крем против комарци и ми успеа експериментот, па сакам да ви ги кажам билките што ги користев, доколку сакате и вие да си направите природен крем, без никакви хемикалии.

Кремот го направив класично, како што се прави секој друг крем на база на свинска маст (без сол и млеко). Билките кои ги ставив одат во еднакви количини, во однос 1:1:1:1. А тоа се:

-Нане

-Босилек

-Лаванда

-Жалфија

Кога ги додавав во маста ги исечкав ситно за да испуштат што повеќе сок и состојки.

Немам некоја одредена количина, замо земам еднакви количеста билки, ги мерам во шолјичка, а вие можете и да ги вагате ако сакате. Потоа ситно ги сечкам убаво со нож, на страна растопувам малку домашна маст која не е солена и во која не е ставено млеко.

Во еден ги ставам билките и ги преливам со маста, па малку мешам. Маст ставам колку да бидат билките прекриени. Потоа ги префрлам на тивок оган и повремено мешам додека да започне да се пени како да ќе зоврие. Не смее да зоврие силно зошто ќе се изгубат лековитите својства.

Потоа тргам на страна и оставам да излади до следниот ден, поклопено. Следниот ден повторно ставам на тивок оган да се растопи, добро промешувам и процедувам низ газа.

Лековитата маст ја ставам во фрижидер малку да згусне и добие густина, па со лажица ја матам убаво додека да се појават меурчиња. Потоа ја префрлам во соодветни садови за крем (ги купувам од аптеки) и ја чувам во фрижидер.

На истиот начин може да се приготвува и крем од камилица, невен и останати билки. Јас вака ги правам сите креми и задоволна сум, не продавам, правам само за себе и блиски пријатели.

Ако немате свежи билки, можете да користите и суви, но затоа се намалува количината за половина. Значи ако за свежа билка ставате 100 грама, за сува ставате 50 грава и уште малку можеби. Јас сум задоволна од кремот, па доколку сакате пробајте и вие. Сувите билки ги купувам од Билна аптека ако немам сочувано од ланската берба.

Loading...