Најдобриот колач кој може да си го направите во било кое време. Од него се cлабее и затоа сите многу го сакаат. Вкусот е неспоредлив и се прави за прилично кратко време. Сѐ што е потребно е да ги измешате состојките и потоа да го прелиете во плех и да го испечете. Подеднакво е вкусен и ладен и топол, така да како и да го послужите, нема да згрешите.
Ова е еден старински колач кој го приготвуваа нашите баби. Многу едноставно се приготвува, а многу е вкусен. Додека се пече, цела куќа ќе ви замириса убаво. Ако ви се јаде вкусен колач, но не сакате да се валкате и да миете многу садови после готвењето, тогаш за вас ова е одличен рецепт. Еве што ви е потребно за да го подготвите:
ПОТРЕБНИ СОСТОЈКИ: 80 г овесни снегулки (1 шолја), прстофат сол, 10 г кокосово брашно/1 1/4 лажица, 5 г прашок за печиво (1 лажиче), 1/2 лажичка цимет, 2 јајца
35 г засладувач (стевија/или по ваш избор) / 2 3/4 лажици, 15 г стопен путер/1 лажица масло, 1 јаболко, 1 среден морков, 30 г ситно сечкани ореви (4 лажици).
ПОСТАПКА: Сомелете ги овесните снегулки во блендер додека да добијат конзитентност на брашно и да немаат поголеми парчиња од овесот. Префлете ги снегулките во еден подлабок сад, додајте ја солта и кокосовото брашно, па измешајте го прашокот за печиво, циметот и засладувачот по желба. Јас користев стевија.
Во посебен сад измешајте ги јајцата со растопениот путер додека да се формира мазна и еднолична смеса. Јаболката измијте ги и излупете ги и отстранете ја дршката и семките, а потоа исечкајте ги на коцки. Морковот излупете го и исечкајте го на тенки кругови. Ставете ги јаболката и морковот заедно во блендер и сомелете ги.
Морковот и јаболкото прелијте ги во садот со овесните снегулки, а потоа прелијте со смесата од јајца и растопен путер. Нежно измешајте ја смесата, додека целосно да се соедини и подеднакво да се распоредат сите состојки. Вака подготвената смеса излејте ја во плех со димензии 18х13 см или некој со слични димензии и премачкајте обилно со путер на дното и од страните.
Излејте ја смесата во садот и рамномерно распоредете ја со шпатула. Одозгора натапкајте ја добро за да се израмни. Одозгора наросете ги ситно сечканите ореви. Може да користите и други јатки по ваша желба, но колачот е најубав со ореви. Вака подготвениот колач испечете го во претходно загреана рерна на 180 степени, околу 35 минути, во зависност од рерната.
По изминатото време, колачот се остава сосем малку да се олади, околу 10-тина минути, а потоа се сече на коцки и се послужува. Комбинацијата од морков и јаболка дава посебна свежина на колачот. Ако досега не сте го пробале, мора некогаш да си го направите. Многу е едноставен и се подготвува од обични состојки кои веројатно постојано ги имате во домот.
Колачот многу лесно се приготвува, па навистина би било штета доколку не го пробате. Сите состојки се матат, се изева во калап и се пече, а потоа се ужива во вкусот. Деталите од целата постапка можете да ги погледнете во видеото ОВДЕ.
