НАЈУБАВИТЕ ПОСНИ ДОМАШНИ УШТИПЦИ…Приготвени на овој начин нема да впијат ни капка масло…Еве што ви е потребно:
ПОТРЕБНИ СОСТОЈКИ:
500 г брашно
350-400 мл млака вода
1 кесичка сув квасец (или 20 г свеж квасец)
1 лажичка сол
1 лажичка шеќер
ПОСТАПКА:
1.Во подлабок сад сипете една полна лажица брашно, шеќер, квасец и малку млака вода. Промешајте за сето да се изедначи и оставете 5-10 минути на топло место за да се активира квасецот и да запени.
2.Во стасаниот квасец додајте го остатокот од млаката вода, солта и започнете постепено да го додавате брашното. Мешајте со лажица за добро да се изедначи и да нема грутчиња.
Ова тесто не се меси со рака, затоа што е доста меко, полутечно, а кога ќе го црпите, од лажицата паѓа во пластови и малку се тегне…Покријте го и оставете го на топло место 40-тина минути или колку што е потребно за убаво да го зголеми волуменот.
3.Повторно промешајте го со лажицата, покријте го и оставете го повторно да ферментира и да го зголеми волуменот, 15-тина минути.
4.Во широко тенџере или тава сипете 600-700 мл масло да се загрева на умерена температура. Две лажици потопете ги во топлото масло, па со едната црпенете од тестото, а со помош на другата лажица подбутнете го за да се испржи во маслото.
На овој начин обликувајте ги уштипците и пржете ги по неколку минути од двете страни додека да добијат убава златна боја. Постапката погледнете ја ОВДЕ.
