МЕКИ УТРИНСКИ РАДОСТИ…Леб-Погачиња за совршен појадок…
Започнете го денот со овие неодоливо меки и вкусни погачиња што се топат во уста!
Лесни за подготовка, а совршени за појадок или ужина – откако ќе го пробате овој рецепт, ќе сакате да го правите секој ден! Еве што ви е потребно:
Потребни состојки:
– 250 мл топла вода
– 250 мл топло млеко
– 3 лажици шеќер (50 г)
– 1 јајце
– 12 г сув квасец
– 8 чаши просеано брашно (970 г)
– 2 лажички сол
– 100 г путер
– За премачкување: 1 јајце, прстофат сол, 1/4 лажичка ванила
– Сусам или семки по избор за посипување
– НМД
Постапка:
Во сад измешајте топла вода, топло млеко, шеќер, јајце и сув квасец. Мешајте додека квасецот целосно да се раствори.
Постепено додавајте го просеаното брашно и солта, мешајќи со лажица, а потоа замесете го тестото со раце во садот додека почне да се спојува.
Префрлете го тестото на работна површина, раширете го и додајте го путерот. Соберете го тестото и месете неколку минути додека да стане меко и еластично.
Ставете го тестото во намастен сад, покријте го и оставете го да одмори 20 минути.
По 20 минути, посипете малку брашно на површината, извадете го тестото и поделете го на 11 еднакви дела. Секое парче обликувајте го во топче.
Покријте ги топчињата за да не се исушат. Потоа, едно по едно, раcукајте ги со раце на намастена површина, нежно преклопете ги и притиснете ги краевите за да се залепат.
Раcукајте ги повторно во поголеми парчиња (со големина на плех) и редете ги на плех за печење.
Со остар нож направете засеци на тестото на растојание од 1 см. Покријте ги и оставете ги да одморат 40-60 минути.
Загрејте ја рерната на 170°C. Измешајте јајце со прстофат сол и ванила, премачкајте ги погачињата и посипете ги со сусам или семки по желба.
Печете 15-18 минути додека да добијат убава златна боја.
Совет: Сервирајте ги топли за појадок со путер или омилениот намаз – уживањето е загарантирано! Како би ги оцениле од 1 до 10? Деталите погледнете ги во видеото ОВДЕ:
