Едноставно за приготвување, брзо, лесно и вкусно. Од оваа смеса излегуваат 12 проички печени во калап за мафини.
Потребни состојки:
400 г рендани тиквички
½ главица рендан кромид (или една помала, или половина ако е голема)
1 лажичка сечкан магдонос
1 јајце
2 лажици кисела павлака
2 лажици масло
100 мл јогурт
10 лажици гриз
10 лажици пченкарно брашно
1 лажичка прашок за печиво
Сол, мелен црн пипер
Постапка:
Тиквичките изрендајте ги, додадете сечкан магдонос, изрендан кромид и сол.
Оставете малку да постои па додадете масло, кисела павлака, јогурт, јајце, гриз, пченкарно брашно, прапок за печиво и мелен пипер.
Смесата добро измешајте ја за да се соединат состојките, па ставајте во калап за мафини, претходно намастен и наросен со гриз.
Печете на 180 степени околу 25-30 минути.
