Потребни состојки за тесто:

1 кг (+100 г) брашно

1 лажичка прашок за печиво

1 коцка (40 г) свеж квасец

200 мл млеко

200 мл јогурт

200 мл вода

100 мл масло

2 лажички сол

2 лажички шеќер

ФИЛ:

200 г путер

200 г крем-сирење (или некој друг намаз)

1 лажичка сол

За одозгора:

Жолчка, 4-5 лажици масло, сусам

ПОСТАПКА:

Во 200 мл топло млеко ставете лажичка шеќер, лажичка брашно и издробете го квасецот, промешајте и иставете на топло место да се активира. За тоа време брашното (1 кг) просејте го и помешајте го со прашок за печиво.

Јогурт, вода и масло – затоплете ги малку да бидат млаки, додадете шеќер и сол, активираниот квасец и постепено додавајте брашно, па замесете меко тесто.

Замесеното тесто покријте го со крпа и оставете го на топло место, најдобро во затворена рерна, да надојде околу половина час.

Омекнатиот путер измешајте го со сирењето (или тестото премачкајте го намазот а ладниот путер израндејте го одозгора). Подлогата за месење побрашнете ја и со оклагија развлечете тесто со дебелина од половина прст (околу 60х40см). Отсечете ги краевите ако се нерамни.

Селата површина на тестото премачкајте ја со мешавина од путер и сирење.
Потоа исечете го тестото на ленти, по ширина (отприлика се добиваат 8 ленти со ширина од 7 см).

Плехот (32 см) обложете го со хартија за печење. Свиткајте една лента и ставете ја во центарот од плехот. Потоа земајте лента по лента и редете по ред, на крајот од претходната лента (значи само првата е свиткана, после се пренесуваат лентите и се „лепат“ во круг). Тоа е малку масно и неуредно, но ништо не се забележува кога питата ќе се испече.

Свитканиот полжав премачкајте го со жолчка измешана со малку масло, наросете сусам и ставете во загреана рерна да се пече додека да зарумени, на 180 степени (најдобро е времето и температурата на печење да ги прилагодите на својата рерна).

Слатката варијанта е без сирење, туку со цимет. Полжав-питата можете да ја направите и во помала варијанта ако соодветно ги намалите количините на состојките.