КРИСТАЛНИ ЈАЈЦА фарбани во црно вино: добиваат природни кристалчиња

Природно, лесно, убаво, миризливо. Малку поскапо, но кристално и магично.

За оваа година планирав за Велигден да ги бојам јајцата само со кромидови лушпи. Но тогаш дознав за ова боење во вино и морав да пробам. За жал, немав домашно вино кое што се препорачува, па купив обичен Вранец.

Добие прекрасни темновиолетови јајца наросени со ситни кристалчиња налик на кристален шеќер.

Потребни состојки:

5 јајца (по можност бели)

600 мл вино (од она што го фарба јазикот и забите кога се пие)

Постапка:

Јајцата на собна температура наредете ги во одговарачки сад ( јас користам шерпа со дебело дно за да не пукаат јајцата при варење).

Се полеваат јајцата со црно вино, целосно да бидат покриени и се оставаат 10 минути да отстојат.

Ставете на тивок оган да се варат јајцата заедно со виното до вриење, околу 15 минути.

Тргнете од оган, поклопете ги и оставете ги неколку часови, а може и преку цела ноќ.

Потоа јајцата внимателно вадете ги и бришете ги со кујнска хартиена салветка.

И тоа е се’, не треба да се мачкаат со ништо зошто ќе излезат кристалчиња.

Loading...