КРАЛ НА ПРАЗНИЧНАТА ТРПЕЗА: овој подзаборавен колач сите го сакаме и често го правам со мерки на чаша

Oва е еден од колачите кои често се наоѓаат на нашата празнична трпеза – лесен за подготовка, едноставни состојки и многу вкусен, сочен и обилен. Тетка ми го добила рецептот од другарка ѝ од Надаљ, Нови Сад, па по тоа го завикавме Надаљски колач.




Потребни состојки: 3 јајца, 2 шолји шеќер, 1 кесичка ванилин шеќер, 3 шолји брашно, половина кесичка прашок за печиво, 2 шолји млеко, 1 шолја масло, 1 шолја мелени ореви. За фил: 10 лажици шеќер, 6 лажици вода, 100 г чоколадо, 125 г путер, 2 шолји ореви, 1 шолја мелени бисквити (плазма).




Постапка: Изматете ги јајцата со шеќерот пенасто, па на најмала брзина на миксерот додајте ги маслото, брашното измешано со прашокот за печиво, јаткастите плодови и млекото.




Добро соединете ја смесата и истурете во намрсен и набрашнет плех (мојот е со димензии 35х25) и печете на температура од 180 степени во претходно загреана рерна. Проверете со чепкалка дали е печен колачот, мене ми се пече за 15 – 20 минути.




Додека колачот се пече, подгответе го филот: сварете 10 лажици шеќер со 6 лажици вода, кога шеќерот ќе се растопи, тргнете го од оган и додајте го путерот исечкан на коцки, искршената чоколада и измешајте додека да се растопи. Потоа додајте ги бисквитите и оревите и прелијте со изладениот колач.




Наросете ја тортата со мелени ореви или чоколадни трошки и исечете ја на стапчиња или коцки кога ќе се излади. Послужување: Исечете на тенки штангли. Парчињата излегуваат убави, сочни, нималку суви, убави се и кога стојат подолго време и може да се смрзнат.




Инаку во оригиналниот рецепт се ставаат само ореви, јас ги правев на два начина. Овој пат ставив и мелени бисквити и супер ми излезе колачот. Овој колач се правеше многу одамна, а идеален е да си го направите кога ви недостасува уште едно колаче за празниците бидејќи се подготвува многу брзо и е срдечно и вкусно.




Уште една напомена: пак ги направив, сега малку го сменив односот на состојките за кората и испеков во помала тава (30х20) и мислам дека е вака супер. Состојките за филот останаа исти и за кората користев: 2 јајца, половина шолја шеќер, еден ванилин шеќер, една и пол шолја брашно, половина кесичка прашок за шечиво, една шолја млеко, половина шолја масло и половина шолја ореви.




Коментар на јекаго: ,,Инес, не знам како не успеав да го коментирам рецептот подолу. Да, дефинитивно е подобро кога се пече во помал плех, да биде побогат во фил. А сигурен сум дека ќе биде уште подобро со лешници.




Коментар на Инеска: ,,Чиста десетка од колач. Се разбира, имам намера пак да го правам, дури и во комбинација со бадеми или лешници… сè треба да се проба. Јас го правев по овие мерки за плех 30х20, затоа се чини дека има повеќе фил. / Coolinarka.com




Претходна статијаКОМБИНАЦИЈА ОД КОМПИР И ЈОГУРТ: За 3 дена може да се намалат до 5 килограми
Следна статијаНЕБЕСЕН КОЛАЧ: потполно непланирано го направив, а излезе супер, неколку состојки и за неколку минути е на трпеза