Постапката за приготвување е лесна и едноставна, па така, нема да потрошите многу време во кујната, а сепак ќе добиете колач кој „плива“ во чоколадо. Покрај тоа не треба да чекате колачот да се излади, многу е убав кога е топол, се чувствува најмногу сочноста, а чоколадото се разлева низ целата ycта како слатка фантазија. Еве што ви е потребно:
ПОТРЕБНИ СОСТОЈКИ (ПРВ РЕЦЕПТ): 1 чаша шеќер, 1 чаша брашно, 1 чаша мелени лешници, ореви…, 1 чаша кисела павлака, 1/2 чаша какао, 1/2 чаша масло, 1 кесичка ванилин шеќер, 1 кесичка прашок за печиво, 4 јајца. Како мерка се користи чаша од 200 мл.
![](https://nmd.mk/wp-content/uploads/2023/05/Screenshot-2023-05-08-at-7.07.38-PM.png)
ПОТРЕБНИ СОСТОЈКИ (ВТОР РЕЦЕПТ): 3 јајца, 1 чаша кисела павлака, 1 чаша шеќер во прав, 1/2 чаша масло, 1 чаша готово какао (за пиење), 1 чаша брашно, 1 чаша мелени бадеми, 1 кесичка прашок за печиво, 125 г мармалад од кајсии или по ваш вкус, 200 г чоколадо за готвење.
![](https://nmd.mk/wp-content/uploads/2023/05/Screenshot-2023-05-08-at-7.11.15-PM.png)
ПОСТАПКА ЗА ПРВИОТ РЕЦЕПТ: Во подлабок сад скршете ги јајцата кои е потребно да бидат на собна температура и малку изматете ги со миксер. Кога ќе станат пенасти, постепено започнете да додавате 1 чаша шеќер, додека непрекинато матите со миксерот. Мешајте додека шеќерот да се растопи.
![](https://nmd.mk/wp-content/uploads/2023/05/Screenshot-2023-05-08-at-7.07.43-PM.png)
Потоа, се додава павлаката, па маслото, повторно се соединува, па на крај се додаваат просеаното брашно, какаото, прашокот за печиво и ванилата. Најдобро е состојките да се соединат со шпатула за смесата да не го изгуби својот волумен. Вклучете ја рерната да се загрее на 170 степени.
![](https://nmd.mk/wp-content/uploads/2023/05/Screenshot-2023-05-08-at-7.07.47-PM.png)
Колачот излејте го во плех со хартија за печење, израмнете, па кога рерната ќе се загрее, ставете да се пече околу 45 минути. По изминатото време, проверете дали е печен со чепкалка. Оставете малку да се подизлади, за да не биде врел од рерна, па декорирајте со чоколадна глазура или наросете го со шеќер во прав.
![](https://nmd.mk/wp-content/uploads/2023/05/Screenshot-2023-05-08-at-7.07.50-PM.png)
Доколку се одлучите да го прелиете со чоколадо, растопете околу 120 г темно чоколадо со 2-3 лажици масло на пареа и прелијте врз колачот. Претходно може колачот да го избоцкате со чепкалка за да поприми од глазурата и да биде уште посочен. Исечете го на коцки.
ПОСТАПКА ЗА ВТОРИОТ РЕЦЕПТ: Јајцата се матат пенасто со шеќерот во прав и павлаката, па се додаваат какаото и маслото и се матат уште малку до соединување. Брашното измешајте го со прашокот за печиво и бадемите, додајте во смесата додека константно мешате. Смесата треба да добие густа конзистентност, погуста од онаа за палачинки.
![](https://nmd.mk/wp-content/uploads/2023/05/Screenshot-2023-05-08-at-7.11.08-PM.png)
Вака подготвеното тесто истурете го во намрсена и набрашнета тава и печете во загреана рерна на 190 степени, приближно 30 минути или во зависност од јачината на рерната. Колачот може да се пече во кружна или квадратна/правоаголна тава.
![](https://nmd.mk/wp-content/uploads/2023/05/Screenshot-2023-05-08-at-7.11.44-PM.png)
Изладениот колач премачкајте го со малку загреан мармалад (може во микробранова печка или на пареа) и одозгора глазирајте го со растопено чоколадо. Јас додавам една лажица мед и една лажица крем за конзистентност. Изладениот колач по желба украсете го со мелени бадеми или чоколадни трошки или рендано чоколадо.
Коментар за вториот рецепт: „Драга Диди, колачот е одличен, сакам брза подготовка, го правев неколкупати, некогаш во облик на коцка, некогаш како оваа во тркалезен калап. Користам киселкаст мармалад од фрижидер. Сите го сакаат овој колач.“ / Сoolinarka.сom