Вчера ги направив по иницијатива на мојот сопруг кој многу ги сака. Имав домашни лешници, па овојпат ги направив со нив, но многу се убави и со ореви. Еве што ви е потребно:
ПОТРЕБНИ СОСТОЈКИ:
Рецепт на Аурора со видео кое можете да го погледнете ТУКА:
300 г брашно,
100 г мелени ореви/лешници,
80 г шеќер во прав,
200 г путер претходно отстојан на собна температура и
1 кесичка ванилин шеќер (18 г).
Рецепт на Мучо:
420 г брашно (полумеко и половина остро)
150 г мелени лешници
250 г маргарин или путер
100 г шеќер во прав
1 белка од јајце
шеќер во прав за валање на кифличките
ПОСТАПКА:
Рецепт на Мучо: измешајте го брашното и просејте. Додајте исто така просеан шеќер во прав и маргарин или путер исечен на листови. Се мати со спиралните додатоци (или се меси со рака) и кога ќе се добие еднолична смеса, се додава една белка и се меша додека да се соедини.
За посна варијанта не додавајте белка. Тестото уште малку се лепи за ѕидовите на садот, но по 60 минути отстојување во фрижидер, доволно се стврднува за да нема проблеми со виткањето и правењето кифлички.
Откако тестото ќе се олади, исечете го на 4 дела. Земете една четвртина и направете долг ролат дебел колку прст. Останатите 3/4 од тестото чувајте ги во фрижидер бидејќи полесно се работи со ладно тесто.
Исечете ги кифличките приближно со должината на показалецот, свиткајте ги малку и завртете ги краевите како што е прикажано со форма на потковица. Од оваа количина тесто добив 1 ролат (30х35см).
Можете да ги редите во две тави подмачкани со масло и посипани со брашно или обложени со хартија за печење. Се печат во загреана рерна на 170 Целзиусови степени приближно 10-15 минути на средна висина.
Должината и температурата на печењето зависи од вашата рерна. Кифлите-потковици не смеат да потемнат. Откако ќе ги извадите од рерна, оставете ги малку да се изладат, а потоа валајте ги во шеќер во прав како што е прикажано.
Доколку сакате помалку да впијат шеќер во прав, тогаш целосно изладете ги пред да ги валате. Ставете неколку парчиња во садот со шеќер и протресете. Свртете ги на другата страна и само повторно протресете го садот.
Откако ќе се изладат, можете да ги чувате во затворен сад на собна температура до една недела без да го променат квалитетот. Рецепт на Мучо / Сооlinarika.сom
