Ако некое лице доживее забрзано чукање на срцето, гушење, болки во градите, секогаш треба да контактира лекар или кардиолог. Овие симптоми како такви не означуваат исклучиво срцева болест, но секако се поврзани со оваа состојба.
Сепак, неодамнешното истражување покажа дека во повеќе од 50 проценти од случаите, луѓето можат да ги почувствуваат предупредувачките знаци, дури и неколку месеци пред да доживеат срцев удар. Како што предупредуваат лекарите, познавањето на овие симптоми може да помогне навреме да побараме помош.
Еден од најраните симптоми што може да укаже на срцев удар е хроничниот замор кој се јавува без очигледна причина. Ова чувство првенствено вклучува прекумерна исцрпеност и недостаток на физичка или психолошка мотивација.
Според резултатите од истражувањето, заморот е најчестиот ран предупредувачки знак за срцев удар, а дури 71 процент од пациентите кои преживеале срцев удар го почувствувале овој симптом неколку месеци порано.
Покрај заморот, пациентите доживеале стегање во градите и отежнато дишење при малку поголем напор пред срцевиот удар. Неодамна во Србија е забележан фактор на ризик кој е во пораст, изјави своевремено кардиологот д-р Драган Симиќ.
„Немаме магична формула за превенција. Примарната превенција значи да ги држите под контрола сите можни фактори на ризик. Тоа значи дека треба да имате нормална тежина, вашата исхрана да е здрава, да ги контролирате мастите во крвта, да внимавате на нивото на шеќер, да не пушите.
Посебно се нагласува важноста на физичката активност. Дојдовме до точка кога станува збор за многу важен фактор на ризик, доколку се запостави. Во Србија, 58 проценти од луѓето се физички неактивни. Доколку сакате да се заштитите мора да се погрижите за сите овие параметри да ги земете предвид“, објасни д-р Симиќ. Во продолжение прочитајте уште неколку предупредувачки симптоми за оваа состојба:
Болката во градите е 99% знак за почетен срцев удар, објасни претходно, познатиот кардиохирург, д-р Миљко Ристиќ. Болката во вратот се смета за втор симптом. Во повеќето случаи, болката во вратот е предизвикана од лошо држење на телото, стегнат нерв или непријатна положба додека спиете.
Меѓутоа, во некои случаи, досадната болка може да укаже на потенцијален срцев удар. Една британска студија покажа дека иако 70 проценти од луѓето знаат дека болката во градите е симптом на срцев удар, помалку од 30 проценти се свесни за помалку познати симптоми, како што е болката во вратот.
Други симптоми на срцев удар може да вклучуваат: болка во градите – чувство на притисок, тежина, стегање во градите, болка во други делови од телото – болката може да се прошири од градите до рацете, вилицата, грбот и стомакот, чувство на вртоглавица, потење, отежнато дишење.
Останати симптоми се гадење или повраќање, чувство на вознемиреност (слично на напад на паника) и кашлица. Иако болката во градите е често силна, некои луѓе може да почувствуваат помала болка.
Додека најчестиот симптом на срцев удар и кај мажите и кај жените е болка во градите, жените имаат поголема веројатност да искусат други симптоми како што се отежнато дишење, гадење/повраќање и болки во грбот или вилицата. Повеќе можете да слушнете ОВДЕ и ОВДЕ. За аортна аневризма прочитајте ОВДЕ.
