Можеби најубаво е јагнешкото испечено на ражен, но нема секој можности за овој вид на печење. Ви предлагаме еден стар и проверен рецепт со кој јагнешкото излегува исто толку вкусно како и она од раженот.




Ручекот кој се подготвува за големиот христијански празник е вистинска свечена церемонија и домаќинките даваат сè од себе да ги воодушеват сите најблиски и гостите поканети на трпезата.




Најчесто се започнува со домашна супа или чорба, а според обичаите се замесува некој од велигденските лебови како кравајчиња, милиброд или погача, а потоа се продолжува со предјадења, разни салати и месо.




На нашите простори постои традиција за овој празник да се подготвува исклучиво јагнешко месо. Јагнешкото или го сакате или не, а има и онакви кои би сакале да го пробаат и да го јадат, но ги одбива неговиот специфичен мирис.




Меѓутоа, таквиот мирис е можно да се неутрализиpa со начинот на подготовката, а резултатот е вистинска радост за сите кои можат да се почестат со едно вкусно парче месо. Мекоста и вкусот на вака приготвеното месо навистина е единставена, па би било вистинска штета доколку не се најде на вашата празнична трпеза. Еве што ви е потребно:




ПОТРЕБНИ СОСТОЈКИ: 4 кг јагнешко (најдобро од плешка), 1,5 кг компири, 3 лажици сол, 1 лажица црн пипер во прав, 4 чешниња лук, 1 лажица рузмарин, 3 ловорови листови, 2 литри млеко, 100 мл маслиново масло




ПОСТАПКА: Измешајте маслиново масло, сечкан лук, магдонос, рузмарин, црн пипер и ловоров лист. Јагнешкото убаво измијте го, а потоа парчето или парчињата исушете ги со кујнска крпа. Посолете го месото, па прелијте го со маринадата со маслиново масло и добро истријте го.




Оставете да отстои два часа. Месото се става во поголем лонец или тенџере и се прелива со млекото колку да го прекрие, па се става на оган и кога млекото ќе зоврие намалете ја температурата и поклопете го, па вака месото варете го околу еден час, внимавајќи да не ви претече.




По изминатото време, извадете го месото од млекото, добро намастете еден подлабок плех, тепсија или тава, па наредете ги излупените компири исечени на половина и одозгора ставете го јагнешкото.




Прелијте половина од млекото во кое се вареше месото. Јагнешкото печете го околу два часа на 180 степени покриено со фолија, а пред крајот извадете ја фолијата и потшечете го уште кратко време за да фати убава боичка.