Рецепт за совршени пишии по традиционален 60-годишен рецепт
Ви претставуваме исклучителен рецепт за пишии, кој со децении се пренесува во семејството и гарантира неверојатен вкус и мека текстура.
Овие пишии се идеални за појадок, ужина или посебни пригоди, а нивната подготовка е едноставна и проверена.
Следете ги нашите упатства и уживајте во меки, пуфнасти пишии што не впиваат масло и ќе ги воодушеват сите што ќе ги пробаат, пишува НМД. Еве што ви е потребно:
Потребни состојки:
– 6,5 чаши брашно
– 3 чаши млака вода (или 2,5 чаши за почетници)
– 1 кесичка сув квасец
– 1 лажичка сол
– фил по желба
– 0,5 чаша масло за пржење
– НМД
Постапка:
1. Во длабок сад ставете 3 чаши млака вода, додајте го сувиот квасец и 1 лажичка сол. Промешајте додека квасецот се раствори.
2. Постепено додавајте 6,5 чаши брашно и замесете меко, малку лепливо тесто. Месете го тестото околу 3 до 4 минути додека стане хомогено. Доколку сте почетник, користете 2,5 чаши вода за полесно ракување со тестото.
3. Покријте го садот со крпа, посипете малку брашно врз тестото и оставете го да стасува на топло место околу 1 до 1,5 час, или додека го удвои волуменот. Во постудени услови, стасувањето може да трае малку подолго.
4. Додека тестото стасува, подгответе го филот. Ситно исечкајте млад кромид или магдонос и измешајте го со сирење. Или, подгответе фил по ваш избор и оставете го настрана.
5. По стасувањето, тестото префрлете го на добро набрашнета работна површина. За да избегнете лепење, редовно посипувајте брашно на рацете и површината.
6. Поделете го тестото на 18 еднакви делови и оформете топчиња. Посипете ги со брашно, покријте ги со крпа и оставете ги да отстојат 20 до 25 минути.
7. Секое топче раширете го со прсти во облик малку поголем од чајна чинија, внимавајќи да не се кинат. Користете доволно брашно за да спречите лепење.
8. На средината од секое раширено тесто ставете 1 лажица од подготвениот фил. Преклопете го тестото и добро притиснете ги краевите за да се затвори филот.
9. Во тава загрејте околу половина чаша масло на средна температура. Пржете ги пишиите од двете страни додека добијат златно-кафеава боја. Внимавајте да не користите премногу масло за да останат лесни и да не впијат вишок маснотии.
10. Готовите пишии извадете ги на хартија за да се исцеди евентуалниот вишок масло. Послужете ги топли.
Напомена:
За да постигнете совршено меки и пувкави пишии, клучно е тестото да биде меко и малку лепливо. Овој рецепт е идеален за семејни собири, појадоци или свечени пригоди, а вкусот ќе ги воодушеви сите.
Уживајте во вашите пишии! Постапката погледнете ја во видео прилогот ОВДЕ:
https://youtu.be/ojHl1acrKck?si=c_yM2IXKTLB21dLn
