Брз посен колач со малини
Овој брз и едноставен посен колач со малини е совршен избор за секоја пригода – од семејни собири до уживање со чаша кафе.
Неговата крцкава текстура, во комбинација со сочноста на малините, создава неодолив десерт што се подготвува без многу труд, а резултатот е вистинско уживање за непцето, пишува НМД. Еве што ви е потребно:
Потребни состојки (се мери со чаша од 200 мл):
– 2 чаши (400 мл) меко брашно
– 2 чаши (400 мл) гриз
– 2 чаши (400 мл) шеќер
– 2 кесички (20 г) ванилин шеќер
– 1 кесичка (10 г) прашок за печиво
– 1 чаша (200 мл) вода
– 150 мл масло
– 900 г малини (свежи или замрзнати)
– НМД
Постапка:
1. Во сад ставете ги малините, додајте 1 чаша (200 мл) шеќер, ванилин шеќер и малку вода (околу 2-3 лажици). Изгмечете ги малините за да се соединат состојките.
Доколку користите замрзнати малини, оставете ги да се одмрзнат пред да ги изгмечите, а потоа оставете ги да отстојат за да пуштат сок.
2. Во поголем сад измешајте ги сувите состојки: гриз, меко брашно, преостанатиот шеќер (1 чаша), прашок за печиво и ванилин шеќер. Добро промешајте за да се соединат рамномерно.
3. Поделете ја смесата од суви состојки на три еднакви делови. Ако користите вага, смесата тежи приближно 800 г, па поделете ја на делови од околу 300 г, 250 г и 250 г. Од секој дел одвојте по 1 лажица и додајте ја во делот за долниот слој (300 г).
4. Загрејте ја рерната на 180°C. Подмачкајте плех со димензии 30×20 см со малку масло.
5. Во плехот рамномерно распоредете го првиот дел од сувата смеса (300 г) и нежно протресете го плехот за да се изедначи слојот.
6. Преку првиот слој распоредете половина од смесата со малини, внимавајќи да биде рамномерно распределена.
7. Врз малините додајте го вториот дел од сувата смеса (250 г). Нежно протресете го плехот или израмнете со лажица доколку е потребно.
8. Преку вториот слој распоредете ја преостанатата смеса со малини, а потоа додајте го последниот дел од сувата смеса (250 г). Израмнете го со лажица за да добиете рамномерен слој.
9. Во сад измешајте 150 мл масло со 1 чаша (200 мл) вода. Оваа смеса рамномерно прелијте ја преку колачот, внимавајќи течноста да се распореди насекаде.
10. Печете го колачот во загреана рерна на 180°C околу 40 минути, а потоа зголемете ја температурата на 200°C и печете уште 20 минути, вкупно 60 минути, додека колачот не добие златнокафеава боја.
11. Откако ќе се испече, покријте го колачот со чиста крпа и оставете го да се излади. По ладењето, исечете го на парчиња и послужете го.
Напомена:
Овој колач може да се подготви и со други овошја, како јаболка, цреши или круши, или пак со комбинација од повеќе овошја, според вашиот вкус. Уживајте во секој залак!
Деталите погледнете ги во видеото:
