Едноставен посен колач…Сигурно ваков не сте подготвиле досега…Добар ден драги мои. Имав добра намера да ви презентирам брз и едноставен посен колач.
Период на пости е и треба нешто да се засладиме. Добро би ни дошол некој колач за секој ден кој не е толку скап и не бара многу труд. Го прочитав рецептот во списание и решив да го подготвам.
Проблемот беше во печењето. Според рецептот требаше да се испече во калап за куглоф и тука се соочив со проблем, зашто предолго траеше.
Го печев 50 минути на 200 степени, а потоа го извадив од калапот и го печев уште 15 минути на 180 степени, зашто не беше убаво испечен. Ова не е прикажано во видеото. Колачот е исклучително вкусен.
После толку печење, сепак имавме одличен колач за сладење…Ако не сакате да го печете како мене, во куглоф, тогаш печете го во обичен калап. И се надевам дека ќе бидете задоволни од вкусната торта.
Мерката е чаша од 180 мл (може да биде 200 мл или 250 мл). Еве што ви е потребно:
ПОТРЕБНИ СОСТОЈКИ:
1 чаша вода (може и газирана)
1 чаша шеќер
1/2 чаша масло
сок од половина лимон
2,5 чаши брашно
10 г прашок за печиво
100 г крупно мелени ореви
150 г вишни (јас користев вишни од ликер т.е. рум)
шеќер во прав за посипување
ПОСТАПКА:
Растворете го шеќерот во водата, па додајте масло и лимонов сок. Потоа додајте го просеаното брашно помешано со прашок за печиво и изедначете да нема грутчиња. На крај сипете ги оревите и вишните.
Смесата сипете ја во соодветен калап намастен и набрашнет (или обложен со хартија) и печете во загреана рерна на 180-200 степени додека при проверката со чепкалка да излезе сува.
По желба колачот посипете го со шеќер во прав. Постапката погледнете ја ОВДЕ:
