Доматен сос за зима без конзерванси…додаток за пица, шпагети или готвени јадења…Еве што ви е потребно:
ПОТРЕБНИ СОСТОЈКИ:
4 кг домати
4 главици кромид
2 главици лук
300 г шеќер
по прстофат чили, каранфилче, цимет (или по вкус)
2 лажици сол
1 лажичка црн пипер
150 мл оцет 9%
2 лажици скроб/нишесте/густвин
ПОСТАПКА:
1.Изблендирајте ги доматите и сипете ги во широко тенџере. Гответе ги 45 минути на умерена температура со повремено промешување. Одвојте 2 кутлачи во посебна чинија и тргнете настрана, за подоцна.
2.Кромидот сомелете го во блендер, додајте го во тенџерето и гответе уште 1 час. Потоа додајте го шеќерот, солта и сите наведени зачини. Додајте го оцетот и гответе уште 15 минути.
3.Потоа сомелете го лукот во блендер и додајте го во тенџерето. Во оние 2 кутлачи што ги одвоивте на почетокот, размешајте 2 лажици скроб, да нема грутчиња, па сипете во тенџерето и мешајте 5 минути.
4.Складирајте го врелиот доматен сос во во врели, стерилизирани тегли, затворете ги, па кога ќе се оладат складирајте ги заедно со другата зимница, на темно и ладно место. Постапката погледнете ја ОВДЕ.
