Потребни состојки:
500 г домашно свежо сирење
100 г домашен кајмак
50 г путер
1 лажичка сода бикарбона, сол
800 мл свежо млеко
Постапка:
Издробете го свежото сирење во шерпа и прелијте го со свежото млеко, варете го на слаб оган се додека сурутката да се одвои од сирењето (млекото ќе поприми жолтеникава боја).
Тргнете од оган и процедете добро, најдобро преку газа. Оставете да се цеди околу два часа.
Растопете го путерот во шерпа и додадете го претходно процеденото сирење. Додека се топи на слаб оган, додадете сол и кајмак. Мешајте постојано!
Кога ќе се стопи речиси целото сирење, додадете сода бикарбона. Без паника, кога ќе започне да се подига само добро мешајте уште некои 5-10 минути.
Внимавајте на јачината, нека биде тоа средна температура. Само внимателно.
Растопеното сирење ставете го во претходно намастен калап по ваша желба.
