Рецепт и видео презентација на Том Филос – „Пита со спанаќ и сирење“. Добра, домашна, богата и топла, многу е вкусна и сочна. Едноставно толку многу е мирисна и вкусна што ве мами да посегнете по уште едно парче. Не можете да и одолеете.
![](https://nmd.mk/wp-content/uploads/2021/10/IMG_4902.jpg)
Потребни состојки за тесто: 600 г брашно, 1 кафена лажичка сол, 1 супена лажица масло, 290 мл вода. За фил: 600 г спанаќ исчистен, 500 г свежо сирење и сол по вкус. И уште: 200 г растопен путер за премачкување на корите.
![](https://nmd.mk/wp-content/uploads/2021/10/IMG_4903.jpg)
Постапка: Доколку имате миксер за месење тесто, едноставно сите состојки ставете ги во садот и вклучете го апаратот да работи неколку минути додека да го измеси тестото. Ако го замесувате рачно, ќе треба малку подолго да го месите затоа што не содржи квасец.
![](https://nmd.mk/wp-content/uploads/2021/10/IMG_4904.jpg)
Откако ќе ги измешате состојките, оставете го тестото да одмори 10-тина минути, а потоа добро измесете го додека да стане еластично, да се ослободи глутенот и да не се лепи на рака. Треба да биде средно тврдо. Формирајте топка и завиткајте го во проѕирна фолија.
Оставете го вака да одмори половина час. За тоа време пригответе го филот: измијте го убаво спанаќот и исцедете го, а потоа и ситно исечкајте го. Сирењето ситно издробете го (може да употребите и урда), па наизменично ставајте ги во подлабок сад.
![](https://nmd.mk/wp-content/uploads/2021/10/IMG_4906.jpg)
Редете спанаќ, па ситно сирење и со раката малку противајте го спанаќот за да омекне и да рамномерно да се распореди сирењето. Посолувајте по вкус (ова зависи од тоа колку сирењето е солено). Одмореното тесто формирајте го во валјак за полесно да го поделите на два еднакви делови.
![](https://nmd.mk/wp-content/uploads/2021/10/IMG_4908.jpg)
Потоа секој дел поделете на три еднакви делови, со што вкуспно ќе добиете шест. Секое парче премесете го и формирајте топче, а потоа шесте топчиња покријте ги со фолија и оставете ги малку да одморат. За тоа време пригответе тркалезна тепсија со пречник 30 см.
![](https://nmd.mk/wp-content/uploads/2021/10/IMG_4909.jpg)
Убаво намастете ја со масло за готвење или премачкјате ја со растопен путер. Потоа земете едно топче и со оклагија развлечете го во тенка кора. Додека ја развлекувате кората наросувајте по малку брашно за да не ви се лепи тестото, а кората да излезе потенка.
![](https://nmd.mk/wp-content/uploads/2021/10/IMG_4910.jpg)
Кората (малку поголема од величината на тепсијата) ставете ја на дното, направете мали набори и обложете ги ѕидовите. Потоа прелијте со малку масло или растопен путер, а најдобро е да користите силиконска четка за да се премачка убаво целата површина.
![](https://nmd.mk/wp-content/uploads/2021/10/IMG_4911.jpg)
Врз кората наредете една петина од приготвениот фил, рамномерно распоредете, па повторете ја постапката и со остатокот од тестото. Секое топче развлечете го во тенка кора, ставете ја кората врз филот и премачкјате ја одозгора со растопен путер. потоа распоредете фил.
![](https://nmd.mk/wp-content/uploads/2021/10/IMG_4912.jpg)
И сè така додека го потрошите материјалот, односно да дојдете до последната шеста кора која се става најодозгора и убаво се спакуваат краевите на питата. Потоа исечете ја и премачкајте ја со остатокот од растопениот путер. Рерната вклучете ја да се загрева на 220 степени.
![](https://nmd.mk/wp-content/uploads/2021/10/IMG_4913.jpg)
Кога добро ќе се загрее рерната, ставете ја питата да се пече околу 35 минути или додека убаво да зарумени. Печената пита извадете ја и покријте ја неколку минути со памучна кујнска крпа да се подизлади, па послужете ја. Сите детали од целата постапка можете да ги погледнете во видеото ОВДЕ.
![](https://nmd.mk/wp-content/uploads/2021/10/IMG_4915.jpg)