Рецепт и видео презентација на Бојана од Бокина кујна – Чоколадно лудило од колач, за 10 минути кој не се пече, а ќе yживате во секој залак. „Добар ден драги мои домаќини и домаќинки, денес ќе направам една фина чоколадна торта која не се пече.
За подготовка на подлогата на овој колач можете да користите било кој кекс/бисквити. За да го приготвите овој едноставен, а многу вкусен колач, ќе ви бидат потребни следните состојки: 300 г мелени кекси, 100 г мелени ореви или лешници, 1 лажица шеќер во прав, 1 ванилин шеќер, 60 г растопен путер или маргарин.
Ако кексот е сув, додајте уште 2-3 лажици чоколадно млеко. За фил ќе ви бидат потребни следните состојки: 400 мл слатка павлака, 350 г чоколадо и околу 100 г чоко-снегулки. Постапка: Во еден подлабок сад ставете ги мелените бисквити (300 г), и мелените ореви (100 г).
Додајте една лажица шеќер во прав и една кесичка ванилин шеќер, па добро промешајте со лажица за да се изедначат состојките. Оваа мешавина прелијте ја со 60 г растопен и оладен путер или маргарин, па прелијте за да се поврзат убаво состојките.
Треба да добиете конзистенција на влажен песок, но смесата, сепак, треба да може да се обликува. Доколку сакате може да додадете три-пет лажици чоколадно млеко за да се збогати вкусот, особено доколку кексите се посуви. За оваа торта се користи калап со пречник од 24 см.
Дното на калапот треба да се премачка со малку путер или маргарин, а неговиот обрач да се обложи со проѕирна фолија. Смесата рамномерно распоредете ја на дното и со лажицата (или со дното од некоја чаша) убаво притиснете за да се израмни и обликува првиот слој од колачот.
Кога убаво ќе ја израмните смесата од кекси, калапот тргнете го настрана (или ставете го во фрижидер), додека го приготвувате преливот од чоколадо. Загрејте на умерена температура 400 мл слатка павлака, но внимавајте да не зоврее, туку само да се загрее доволно колку во неа да се растопи чоколадото.
Загреаната течна павлака прелијте ја врз искршеното чоколадо и промешајте додека тоа да се растопи и соедини со павлаката. Кога ќе добиете убава чоколадна, мазна и сјајна глазура, во неа додајте ги чоколадните снегулки и убаво промешајте за рамномерно да се натопат.
Вака приготвената чоколадна глазура прелијте ја врз подлогата од кекси. Израмнете и протресете. Колачот потребно е да отстои барем два часа во фрижидер за убаво да се стегне или за да го скратите времето, можете да го ставете во замрзнувач околу еден час.
Чоколадото мора да се стегне за да може да се извади од калапот и да се сече. Колачот навистина брзо се приготвува и релативно брзо може да се послужи. Сите детали околу постапката за приготвување на овој колач, можете да ги погледнете во видеото ОВДЕ.
