Ова е традиционален рецепт за колачи кои се нарекуваат „Босански локум”. Тестото е слично како она за ванилици, па доколку сте ги правеле, веќе знаете како приближно треба да биде тестото. Колку подолго стојат, толку се повкусни. Еве што ви е потребно:

ПОТРЕБНИ СОСТОЈКИ: 220 г путер, 1,5 филџан за кафе шеќер, 1,5 филџан масло, брашно се додава по потреба (приближно 0,5 кг), шеќер и ванилин шеќер за валкање.




ПОСТАПКА: во подлабок сад ставете го путерот кој претходно омекнал на собна температура, па додајте го шеќерот. Добро измиксајте со миксер за да се растопи шеќерот, па додајте го маслото. Соединете и започнете постепено да го додавате брашното. Кога смесата малку ќе згусне, продолжете да го обликувате тестото со раце.




Тестото не смее да биде ниту премногу тврдо, ниту премногу меко. Кога е готово, обликувајте го во топка и започнете да ги обликувате локумите. Кинете од тестото и обликувајте ги локумите еден по еден. Редете ги во плех, а потоа со остар нож засечете ги на средината. Од наведената смеса излегуваат најмалку 25 локуми.




Печете ги во загреана рерна на умерен оган. Јас ги печам на 220 степени првите 4-5 минути, а потоа намалувам на 200 степени, па потоа на 150 степени ги печам уште 15-тина минути. Печените локуми оставете ги малку да изладат. Кога се млаки валкајте ги во шеќер помешан со ванила, а по желба може да се користи шеќер во прав или кокос.




Напомена: Ова е рецепт како јас ги правам локумите. Во оригиналниот рецепт пишува: 250 г маргарин, 250 г путер, 1,5 филџан шеќер во прав, 1,5 филџан масло и брашно по потреба и плус шеќер во прав за валкање после печењето. /Coolinarika.com




(втор рецепт) Рецепт за највкусни медени колачи: Евтино, брзо, без млеко и јајца. Фото и рецепт: Кристина Гашпар – Медењаци. Следниот рецепт на Кристина е многу едноставен и вкусен, класичен рецепт за медени колачи. Третиот рецепт кој можете да го прочитате подолу, се приготвува со сок од домати и навистина е многу интересен, евтин и што е најважно колачите се многу вкусни.

ПОТРЕБНИ СОСТОЈКИ: 120 г шеќер, 100 мл вода, 100 г путер/маргарин, 1 кесичка ванилин шеќер, 3 полни лажици мед, 380 г брашно,½ лажичка прашок за печиво, ½ лажичка сода бикарбона, 1 лажица зачин за медењаци (или зачин по вкус).




ПОСТАПКА: сварете ја водата заедно со шеќерот (смесата треба да врие 2-3 минути). Тргнете од оган, па додајте путер, ванилин шеќер и мед. Мешајте додека да се растопат состојките и оставете настрана да се олади.

Потоа во еден подлабок сад измешајте ги сувите состојки и додајте ги течните, па сето заедно соединете го. Мешајте со лажица или со жица. Оваа смеса е мека, но откако ќе отстои ќе стане доволна цврста за обликување. Поклопете го садот и оставете го тестото во фрижидер или на ладно место да отстои најмалку еден час.




Потоа обликувајте ги топчињата со величина на помал орев, редете ги во плех обложен со хартија за печење. Медењаците се печат во загреана рерна на 180-200 степени 1/-12 минути. Во текот на печењето прверувајте за да не ги препечете. Треба да бидат румени, но меки на допир. Кога ќе се оладат ќе станат цврсти.




Совет: Се користи меко брашно Т400. Во тестото може да се додаде рендана кора од лимон или портокал. (трет рецепт) Евтин и брз рецепт за медењаци кои се приготвуваат со варен сок од домати. Еве што ви е потребно:

ПОТРЕБНИ СОСТОЈКИ: 10 лажици сок од домати, 10 лажици шеќер (кафеав), 10 лажици масло, 2 лажички цимет (или колку сакате), 1 лажичка сода бикарбона, околу 500-600 г брашно.




ПОСТАПКА: добро измешајте ги горенаведените состојки, а на крај во течноста додајте сода бикарбона, па потоа започнете со додавање на брашното. Малку по малку, додека да се формира меко тесто. Прекријте го и оставете го 10-тина минути да отстои во фрижидер.




Може да го развлечете со оклагија и да вадете гругови или модла со разни облици. Или како што е прикажано во видеото, да кинете парчиња од тестото и да правите мали топчиња, малку да ги притиснете со дланките и да ги редите во плех обложен со хартија.

Печете ги во загреана рерна на 200 степени околу 20 минути. Може веднаш да се јадат, а можат и долго да стојат. Се чуваат во кутија на суво место. Деталите од постапката можете да ги погледнете во видеото ОВДЕ.