БОМБИЦИ ЗА 10 МИНУТИ: Ако имате малку јаболка и ореви направете ги овие вкусни колачиња

Овие бомбици се многу вкусни, лесни за правење и готови за многу брзо време. Не ви требаат многу состојки, а во вкусот ќе уживате. Понекогаш ги нарекувам лапни-голтни бидејќи ги јадеме и забораваме колку сме изеле. Еве што ви е потребно:




ПОТРЕБНИ СОСТОЈКИ: 1 кг јаболка, 300 г шеќер, 120 г ореви, 150 г путер, 1 лажичка цимет, 500 г мелени бисквити, кокос.




ПОСТАПКА: Јаболката излупете ги, отстранете ја дршката и семките и потоа изрендајте ги на најкрупната страна од рендето во подлабок сад. Како што ќе ги лупите ќе се направи мазна смеса исполнета со сокот од јаболка кој го испуштиле.




Ставете ги јаболката во тенџере и на тивко вклучете ја ринглата да се запржат. Додајте го шеќерот, измешајте и оставете смесата да се готви додека да испари целата течност. Јаболката за ова време дополнително ќе омекнат и ќе почнат да го испуштаат својот убав мирис.




Настрана исечкајте ореви, не мора да ги сомелувате, повкусни се колачињата ако имаат ситни парчиња ореви. Во смесата од јаболка додајте го путерот и со мешање растопете го низ јаболката и шеќерот.




Се додава цимет (опционално), а потоа се додаваат и оревите. Се остава смесата да крчка уште неколку минути. Целата смеса убаво се соединува и се остава да олади настрана.




Земете бисквити и сомелете ги во блендер, а потоа оладената смеса ставете ја во нив. Убаво измешајте и направете компактна смеса од која е потребно да правите топчиња. Со лажиче кое ќе го користите како мерка, направете топчиња со приближно иста големина додека да го потрошите целиот материјал.




Топчињата треба да бидат добро стегнати, а на крајот се филуваат во кокос или во други мелени јатки по желба. Деталите од целата постапка можете да ги погледнете во видеото ОВДЕ.

Претходна статијаЕдна работа ги уништува крофните и тестото: На овој начин нема да ви излегуваат жилави
Следна статијаПрироден лек кој се користи со генерации за чистење на црниот дроб: Секое утро по 1 лажичка