Салата од печени пиперка со лук за зимница
Подгответе се за зимата со овој традиционален рецепт за салата од печени пиперки со лукче, кој ќе ви овозможи да уживате во богатите вкусови на сезонските пиперки во текот на целата година.
Овој едноставен, а сепак вкусен рецепт не содржи конзерванси и е идеален за долготрајно чување без потреба од фрижидер.
Следете ги чекорите за да создадете совршена зимска салата што ќе ја збогати вашата трпеза, пишува НМД. Еве што ви е потребно:
Потребни состојки:
– 2 кг пиперки
– 100 мл маслиново масло
– 100 мл оцет (9%)
– Сол (по вкус)
– Лук (по вкус)
– Свеж магдонос (по вкус)
– НМД
Постапка:
1. Исчистете ги пиперките од дршките и семките и потоа наредете ги на плех обложен со хартија за печење.
2. Загрејте ја рерната на 250°C. Печете ги пиперките 20 минути, поставувајќи го плехот поблиску до горните грејачи.
3. По 20 минути, превртете ги пиперките на другата страна и намалете ја температурата на 220°C. Продолжете со печење уште 10 минути.
4. Врелите печени пиперки префрлете ги во тенџере и покријте ги со капак. Оставете ги да се изладат постепено за да се потпарат, што ќе го олесни лупењето.
5. Откако пиперките ќе се изладат, излупете ги и исечете ги на парчиња со саканата големина. Ставете ги во сад.
7. Исечкајте го лукот на тенки ливчиња и ситно исечкајте го магдоносот. Додајте ги во садот со пиперките.
8. Во садот додајте 100 мл маслиново масло, 100 мл оцет и сол по вкус. Промешајте добро.
9. Подготвената смеса ставете ја во чисти тегли. Внимавајте теглите да бидат добро наполнети.
10. Исчистете ги рабовите на теглите и затворете ги со чисти и неоштетени капаци.
11. За пастеризација, ставете ги теглите во тенџере и наполнете со вода до висината на капаците.
Загревајте на шпорет додека водата почне да врие, потоа намалете ја температурата и пастеризирајте на 70°C во траење од 35 минути.
12. По пастеризацијата, извадете ги теглите и оставете ги постепено да се изладат.
13. Проверете дали централниот дел од капаците е вовлечен, што е знак дека теглата е правилно затворена.
14. Чувајте ги теглите на темно и ладно место. Вака подготвени, пиперките можат да траат повеќе од една година.
Уживајте во оваа вкусна зимска салата и споделете го рецептот со вашите пријатели! Постапката погледнете ја во видео прилогот ОВДЕ:
