Брз домашен ајвар без пржење
Ајварот е гордост на македонската кујна, а овој рецепт за брз ајвар без пржење е совршен за сите кои сакаат да уживаат во богатството на вкусовите со минимален напор.
Подготвен за само пет минути, овој ајвар е свеж, ароматичен и идеален за секоја прилика, пишува НМД. Еве што ви е потребно:
Потребни состојки:
– 5 големи црвени пиперки (ајварки)
– 1 рака ореви
– 1 рака магдонос
– 3-4 чешниња лук
– 50 мл растително масло
– 1/2 лажичка сол
– 1/2 лажичка мелен црн пипер
– 1 лажичка оригано
– 1 лажичка буковец
– 1 лажичка црвен пипер во прав
– НМД
Постапка:
1. Испечете ги црвените пиперки во рерна на 200 °C или на рингла.
2. Ставете ги печените пиперки во пластична кеса и оставете ги неколку минути да се изладат, што ќе го олесни лупењето.
3. Излупете ги пиперките и отстранете им ги семките и дршките.
4. Во блендер ставете ги исчистените пиперки, оревите, магдоносот, лукот, растителното масло и сите зачини.
5. Блендирајте додека не добиете мазна и хомогена смеса.
6. Ајварот е готов за употреба или за чување во фрижидер во херметички затворен сад.
Овој ајвар без пржење е одличен како намаз, додаток кон јадења или прилог на трпезата, носејќи свежина и автентичен вкус во секој залак. Постапката погледнете ја во видео прилогот ОВДЕ:
https://youtu.be/_uYBbIWYcNY?si=ndI80-yicYzlfYUN
