Архитектот Александар Бородин издвои 3 совети од градежништвото кои секој од нас треба да ги следи.
Архитектот Александар Бородин во една прилика даде 3 добри совети за изградба на куќа, а неговиот пристап се заснова на тоа да не се градат куќи како згради во кои никој нема да живее, туку да се размислува паметно и да се дејствува во согласност со вашите потреби.
Ако планирате да изградите куќа или викендица, слушнете што има да ви каже:
„На вашите деца никогаш нема да им треба вашата куќа. Времињата сега се едноставно такви. Порано дизајниравме племенски „куќи“, двокатни и трикатни куќи за синовите, снаите и внуците. Денес на децата не им требаат такви домови.
Вашиот син нема да сака да ја донесе снаата во таква куќа, а нема ни да чека да умрете за тој да се ожени… Па зошто да градите куќа „300“ години, да трошите неверојатна сума пари и енергија, а на следната генерација нема ни да им треба?“
Наместо тоа, тој го предлага следново:
Совет број 1 – Изградете едноставна куќа без подрум или поткровје – само основите. Според него, заштедата е огромна ако се изгради куќа со само две спални соби, кујна и бања.
„Пресметајте ги правилно вашите ресурси и изберете каква куќа ќе изградите без оптоварувања за 10 до 15 години“.
Совет број 2 – Мудро организирајте го просторот
„Ако веќе градите куќа, тоа мора да биде точно по ваши мерки. На пример, оставете ги прозорците од кујната да гледаат кон патот, па додека ги миете садовите, ќе видите кој доаѓа и ќе можете да го ставите кафето.
Скарата треба да биде направена за да можете да му се восхитувате на зајдисонцето додека печете на скара. Важно е вашата куќа да ви биде удобна“.
Совет број 3 – Не ви треба базен и гаража
„Ако изградите базен во дворот, ќе биде вака: првата недела сите ќе пливате. Еден месец подоцна ќе пливате еднаш на секои две недели, а по 3 или 4 месеци веќе никој нема да плива во базенот. Зошто? Немате време за тоа. После базенот ќе го гледате само како обврска за чистење, никогаш извор на уживање.
Иста е ситуацијата и со гаражата. Само 5% од луѓето ги оставаат своите автомобили во гаража. Зошто? Мрзеливост. Со текот на времето, гаражата се претвора во магацин, а по неколку месеци во неа нема да има место ниту за автомобилот.
Затоа слушајте ги моите совети и градете паметно, само најосновното“.
