Брзи пржени ѕвездички со јогурт и едно јајце
Овие нежни, мирисни ѕвездички се подготвуваат за само 5 минути активно време и не бараат печење во рерна.
Со крцкава коричка однадвор и мека, воздушна средина, тие се совршен брз десерт, појадок или ужина што ја исполнува кујната со топол мирис на портокал.
Едноставни, а извонредно вкусни, пишува НМД. Еве што ви е потребно:
Потребни состојки (за околу 40-50 ѕвездички):
150 г кисело млеко или кисела павлака
60 г шеќер
1 јајце
50 мл масло
рендана кора од портокал
приближно 350-400 г брашно (додавајте постепено)
10 г прашок за печиво (1 кесичка)
прстофат сол
НМД
масло за пржење (длабочина 1-1,5 см)
шеќер во прав за посипување
Постапка:
1. Во подлабок сад ставете го јогуртот (или киселата павлака), шеќерот, јајцето, маслото и прстофат сол. Матете со жица додека смесата сосема се изедначи и шеќерот се растопи.
2. Додајте ситно рендана кора од портокал за свеж и ароматичен вкус.
3. Во посебен сад измешајте го брашното со прашокот за печиво, па постепено додавајте ги во течната смеса. Месете додека да добиете меко, компактно тесто кое не се лепи за рацете. Доколку е потребно, додајте уште малку брашно.
4. На лесно набрашнета површина развлечете го тестото во кора дебела околу 1 прст. Со модла во облик на ѕвезда вадете ѕвездички.
Соберете го преостанатото тесто, повторно замесете го и развлечете го – продолжете додека да го потрошите целото тесто.
5. Во широк тиган загрејте масло на умерена температура (длабочина 1-1,5 см). Пржете ги ѕвездичките додека убаво заруменат од едната страна, па превртете ги и допржете ги и од другата.
6. Извадете ги на кујнска хартија за да се исцеди вишокот масло. Додека сѐ уште се топли, обилно посипете ги со шеќер во прав.
Послужете ги веднаш додека се крцкави и мирисни. Уживајте! Постапката погледнете ја во видео прилогот ОВДЕ:
