АЈВАР…Рецепт од еден стар МАКЕДОНЕЦ…Навистина, подобар не сум вкусила…Најдобар рецепт!
Заедно со сите актуелни рецепти и нивните варијанти, овој традиционален рецепт доаѓа од еден возрасен Македонец кој инсистира дека неговото семејство го подготвува на овој начин веќе неколку генерации.
Тој исто така тврди дека ова е единствениот автентичен начин да се подготви „вистински“ ајвар.
Го прифатив како оригинален (првиот рецепт подолу), бидејќи никогаш не сум пробал нешто вака добро, со врвен вкус. Сега ми е јасно зошто го нарекуваат „МАКЕДОНСКИ КАВИЈАР“.
Имам 2 варијати и не знам која ми е поубава, со или без модар патлиџан. Подолу можете да ги прочитате двата рецепти: Еве што ви е потребно:
РЕЦЕПТ 1 – ПОТРЕБНИ СОСТОЈКИ:
5 кг црвени пиперки
2 кг модар патлиџан
1 главица лук
0.75 литри масло
4 лути пиперки (по желба)
сол и црн пипер
РЕЦЕПТ 2 – ПОТРЕБНИ СОСТОЈКИ:
5 кг пиперки (после лупење и цедење цела ноќ = 1850 г)
230 мл масло
25 г сол
2 лажици шеќер
Оваа количина ја пржев 1 час, а потоа 45 минути во загреана рерна.
ПОСТАПКА за рецепт 1:
Пиперките измијте ги, па темелно пребришете ги и проверете дали се целосно суви, бидејќи ова е клучно. Потоа печете ги на плотна или во рерна на 220С превртувајќи ги од сите страни.
Ако вашата рерна има способност да циркулира топол воздух, ова ќе го забрза процесот и ќе го олесни лупењето на пиперките подоцна.
Пиперките ќе бидат готови кога на некои места ќе почнат да потемнуваат и лушпата ќе започне да се повлекува.
Откако ќе ги испечете пиперките, идеално е да ги ставите во најлонска кеса или во тенџере под капак, и да ги оставите во сопствената пареа 15-20 минути, бидејќи така полесно ќе се излупат.
Откако ќе ги излупите, извадете ги семките и оставете ги пиперките настрана да се цедат. За ова се потребни неколку часа, за да излезе од нив што повеќе сок. Можете да ги оставите и преку цела ноќ.
Патлиџаните исто така испечете ги во рерна и оставете ги малку да се изладат пред да ги излупите.
Измешајте: исцедените пиперки, модрите патлиџани, лукот и феферонките (лутите пиперки, по вкус) и сето сомелете го во машина.
Соединете 2/3 од маслото со мелената смеса во соодветно широко и длабоко тенџере, додајте сол и црн пипер по вкус. Гответе на тивок оган околу 2 часа со постојано мешање.
Кога ќе стигнете приближно на половина од процесот, додајте го преостанатото масло и по потреба досолете ако не ви е доволно солено.
Ајварот е готов кога смесата ќе се згусне, оставајќи цврста и чиста трага на дното кога ќе поминете со дрвената лажица/шпатула.
Пред да ги наполните теглите тие треба да бидат измиени, исушени, топли и стерилизирани во рерна 30 минути на 100°C.
Кога ќе почнете да ги полните теглите, вметнете внатре нож, виљушка или сличен метален прибор за да спречите кршење при турање на врелата смеса, внимавајќи да не оставите воздушни џебови.
Повторно ставете ги теглите во рерна 20 минути за да фати тенка коричка горниот слој, внимавајќи ајварот да не зоврие во теглите.
Кога ќе бидат готови, извадете ги и загрејте масло во тенџере или ѓезве, па сипувајте во теглите одозгора да се покрие површината и да не дојде воздух до смесата.
Теглите цврсто затворете ги со метални капаци и ставете ги во рерна која е исклучена, но загреана на 150°C и оставете ги да се изладат преку ноќ. Ако користите целофан, ве советувам да го прескокнете овој последен чекор.
Ако сте подготвувале поголема количина на надворешно ќумбе, тогаш теглите завиткувајте ги во хартија или во ќебе и оставете ги така затопелни постепено да се оладат. Постапката за вториот рецепт можете да ја погледнете ОВДЕ.
