Иако доматите кај нас ги има преку цела година и не мора да се конзepвираат освен доколку правите зимница, за некои се повкусни кога се конзервирани бидејќи се киснат во сол и маслиново масло, па го впиваат нивниот убав вкус.
Овој метод работи за мали (шери) домати и обичните. Првиот метод е многу лесен и може да го користите доколку сте купиле поголема количина на домати. Добро измијте ги и исечете ги на половина доколку се шери домати или на четвртини ако се обични.
Важно е да сечете со остар и добро наострен нож за да не ви се распаѓаат и прават кашести. Доколку сакате може и да ја извадите течната срцевина од средината. Така исечени ставете ги во зип кесичка до половина и потоа извадете го воздухот од кесичките за да ги вакумирате.
Вака подготвени кесичките ставете ги во замрзнувач. Може да ги користите во било кое време за салата или некое друго јадење. Вториот метод е да ги засечете малце на врвот со нож и наредете ги во чиста стерилизирана тегла до врвот.
Искористете толку тегли колку што ви е потребно за да ви ги собере сите домати. Потоа во секоја тегла додајте 1 мала лажичка сол и маслиново масло до врвот. Добро затворете ги теглите и ставете ги во тенџере во кое претходно сте ставиле памучна крпа.
Конзервирајте ги така што ќе ги прелиете со вода и ќе ги ставите на рингла да се готват 30-40 минути по зовривање на водата. По конзервирањето ќе забележите дека на капакот се формирал круг кој значи дека теглата е вакумирана.
Вака подготвените тегли ставете ги на темно и суво место целосно да се оладат, најдобро преку ноќ. Салатата може да ја послужите во било кое време. Деталите од целата постапка можете да ги погледнете во видеото ОВДЕ.
БОНУС РЕЦЕПТ. Еве ги потребните состојки: Модар патлиџан во масло. ПОТРЕБНИ СОСТОЈКИ: 3 кг модар патлиџан, 100 г кромид, 200 г морков, главица целер, сол, магдонос, масло, црн пипер. Начин на подготовка: На рингла ставете тенџере со зовриена вода. Потоа додајте ги модрите патлиџани и варете ги додека да омекнат.
Кога ќе бидат готови, извадете ги и исечете ги на прстени дебели околу еден сантиметар. Потоа следи пржење на загреано масло. Кога ќе заруменат, наросете ги со црн пипер и сол.
Исечете го другиот зеленчук – кромидот, морковот и целерот на парчиња. Парчињата модар патлиџан наредете ги во соодветните тегли, а меѓу нив ставете од другиот зеленчук.
На крај прелијте ги модрите патлиџани со маслото во кое се пржеа, кое претходно сте го процедиле. Затворете и стерилизирајте 15 минути. Пржениот модар патлиџан можете да го зачувате со малку лук – без никаков друг зеленчук. Само треба да ги исечете модрите патлиџани на кришки и кога ќе истече горчливиот сок, испржете ги.
После тоа, наредете ги парчињата во теглите, претходно исцедени од маснотии, а меѓу нив наросете ги со ситно сечкан лук. Потоа, повторно наполнете ги модрите патлиџани со исцеденото масло, ставете ги капаците и стерилизирајте десет минути.
