Потребни состојки:
За пандишпан:
• 15 лажици брашно за колачи од Жито Лукс
• 5 јајца
• 15 лажици шеќер
• 15 лажици масло
• 15 лажици млеко
• 1 кесичка ванилин шеќер
За фил:
• 250 мл слатка павлака
• 1 кесичка желатин
• 1 лажичка екстракт од ванила
• 200 г јагоди
Подготовка:
Се матат заедно јајцата, шеќерот и ванилата.
Се додава маслото и млекото и сè убаво се мати додека да се добие хомогена смеса.
Се додава брашното и повторно се меша.
Вака подготвената смеса се става во кружен плех со механизам, обложен со хартија за печење.
Се пече во загреана рерна на 200 °С, 30 минути или додека тестото да добие светлокафеава боја.
За филот, се мати слатката павлака и се додава екстрактот од ванила. Желатинот се подготвува според упатството на кесичката и се додава во изматената слатка павлака.
Пандишпанот се вади од механизмот и се сече на половина по средината. Долниот дел се враќа назад во плехот. Од страните се редат јагодите исечени на половина.
Се додава филот и се поклопува со втората кора од пандишпан. Одозгора се премачкува со остатокот од филот.
Вака подготвената торта се става во фрижидер за да се стегне. Пред послужување се декорира по желба.
