Габичките на нозете почесто се среќаваат кај мажите отколку кај жените, и тоа особено кај оние мажи во чија фамилија со генерации се јавува оваа инфекција. Факторите кои го зголемуваат ризикот од појава на габички на ноктите се: прекумерно потење, работа во влажна околина, користење на чорапи и обувки кои го отежнуваат “дишењето” на ногата и не ја впиваат потта, одење без обувки на влажни места како што се базени, теретани и јавни бањи, атлетско стапало, повреди на ноктите, дијабетес, псоријаза, проблеми со циркулацијата и ослабен имунолошки систем.
ПРИРОДНИ ЛЕКОВИ ПРОТИВ ГАБИЧКИ НА НОКТИТЕ
Многу е важно во лекувањето на габичките на ноктите да бидете истрајни, бидејќи резултатите може да согледаат дури после месец-два од лекувањето.
ЈАБОЛКОВА КИСЕЛИНА
Многу е корисна и ефикасно домашно средство во борбата против габичките на ноктите. Потопете ги нозете во леген со 1 литар топла вода и половина шолја јаболкова киселина. Исто така, јаболковата киселина со помош на натопен памук можете да ја нанесувате на инфицираниот нокт трипати дневно, додека да се излекува.
ЛУК
Лукот е моќен природен антибиотик кој се користи за елиминација на габичките од нозете. % чешниња лук ставете во 100 мл вода да зовријат. Потоа водата истурете ја во легенот и додадете уште вода колку да бидат ноктите покриени. Нозете киснете ги 15 минути. Постапката повторувајте ја секојдневно во текот на 4 седмици или додека да забележите подобрување.
-Во шишенце со проѕирен лак додадете 1 ситно сечкано чешне лук, 1 капка лимонов сок и 5 капки јод. Оставете да отстои две седмици. Потоа промешајте и 15 дена по ред нанесувајте по еден слој врз ноктите. 16. ден тргнете го слојот со ацетон. 17.ден повторете ја постапката додека фабичките да исчезнат.
-исто така, можете иситнет лук директно да нанесувате врз ноктите и да го оставите да делува 30 минути. Стапалата мора да бидат чисти пред да ги примените овие методи на лекување.
СОЛ
Измијте ги нозете и не ги бришете, туку додека се влажни нанесете сол и облечете чорапи. Овој процес повторувајте го двапати дневно.
МАСЛО ОД ЧАЈНО ДРВО
Најефикасниот природен лек за елиминација на габичките е етеричносто масло од чајно дрво. Се нанесува директно врз ноктот, 2-3 пати дневно, додека да ги добиете саканите резултати.
Пред да го употребите ова масло, бидете сигурни дека не сте алергични на масло од чајно дрво.
