GM диета – 7-дневен режим за слабеење кој со години предизвикува интерес
Во периоди кога многумина бараат брзо слабеење, повторно во фокусот се наоѓа таканаречената GM диета – режим на исхрана создаден во 1985 година, кој според поддржувачите може да доведе до намалување на телесната тежина за 5 до 7 килограми во рок од една недела.
Диетата наводно била развиена во рамки на компанијата General Motors, со цел подобрување на здравјето на вработените, во соработка со нутриционисти и медицински советници.
Но, како функционира овој 7-дневен план на исхрана и што навистина значи за организмот?
Како функционира GM диетата?
Основната логика е едноставна:
➡ внес на помал број калории од дневните потреби
➡ комбинација од овошје, зеленчук, вода, млеко и ограничен внес на протеини
➡ строга седумдневна структура
Поддржувачите тврдат дека режимот го „активира согорувањето на мастите“ и го поттикнува процесот на „детоксикација“.
GM супа – централниот дел од режимот
Во текот на целата недела се препорачува консумирање т.н. „GM супа“, базирана на:
• вода
• 2 зелени пиперки
• 6 главици кромид помали и 2 големи
• 500 г домати
• 1 главица целер сосе листови
• 1 помала зелка
• коцка пилешки булјон
• сол и црн пипер по вкус
Се вари најмалку 45 минути, додека зеленчукот целосно омекне. Се консумира повеќепати во текот на денот.
7-дневен план на исхрана
Во текот на сите седум дена се препорачува внес од 6 до 8 чаши вода дневно. Од супата се јаде повеќе пати.
Ден 1
Само овошје (освен банани), без ограничување во количина.
Ден 2
Само зеленчук – свеж или варен. Дозволен е и печен компир за појадок како извор на јаглехидрати.
Ден 3
Комбинација од овошје и зеленчук (освен банани и компир).
Ден 4
До 8 банани и 3 чаши млеко + супа.
Ден 5
Две порции говедско месо (до 300 г по порција) и 6 цели домати.
Се препорачува зголемен внес на вода.
Ден 6
Говедско месо (до 300 г по порција) и зеленчук по избор.
Ден 7
Интегрален ориз, зеленчук и природен овошен сок.
Кои пијалаци се дозволени?
• Вода (основен избор)
• Кафе
• Чај
• Минерална вода
Незасладени пијалаци и алкохол.
Што велат нутриционистите?
Експертите предупредуваат дека ваквите краткорочни диети често резултираат со:
• губење течности
• намалување на гликогенските резерви
• привремено намалување на телесната тежина
Долгорочната одржливост, според здравствените професионалци, зависи од балансирана исхрана, физичка активност и индивидуален метаболизам.
Лица со хронични заболувања, дијабетес, проблеми со бубрези или срце, како и бремени жени, треба задолжително да се консултираат со лекар пред започнување рестриктивен режим на исхрана.
