Овој домашен напиток со години кружи како еден од најкористените природни рецепти кај луѓе кои имаат покачен холестерол, зголемени триглицериди или сакаат да му дадат поддршка на телото за време на режим на слабеење.
Според искуствата на оние што го користат, најчесто се пие во периоди кога се чувствува тежина во организмот, по празници, во текот на есен и зима или како дел од балансиран начин на живот.
Напитокот се подготвува од лесно достапни состојки и често се споменува како поддршка за црниот дроб, дигестивниот систем и имунитетот, пишува НМД.
Важно: овој текст има информативен карактер и не претставува медицински совет. Кај лица со хронични состојби, терапија или чувствителен желудник, препорачливо е консултација со лекар.
Потребни состојки
• 1 литар вода
• 1 кг лимон со кора (добро измиен)
• 30 поголеми чешниња лук
Постапка
Лимонот ставете го во вода во која сте сипале една кесичка сода бикарбона. Оставете да отстои неколку часа, па потоа добро измијте го под млаз ладна вода.
Исечете го лимонот на помали парчиња и изблендирајте го заедно со кората. Водата ставете ја на оган да зоврие, па додајте го сомелениот лимон и лукот.
Откако ќе зоврие, оставете да врие околу половина минута, исклучете го огнот и оставете го садот на топлата рингла уште 5 минути. Потоа поклопете и оставете да се излади, со повремено промешување со лажица.
Кога целосно ќе излади, процедете ја течноста и добро истискајте ја смесата за да се извлече целиот сок. Напитокот складирајте го во стаклени шишиња и чувајте го во фрижидер.
Начин на консумирање
Се консумира наутро и навечер по една ракиена чаша, најчесто пред оброк. Една доза обично е доволна за еден циклус, а според искуствата, може да се направи и пауза, па повторно да се користи.
Многумина го подготвуваат овој напиток пред зима, како дел од сезонска рутина за поддршка на организмот и општо чувство на леснотија.
Алтернативна верзија (без варење)
Како популарна алтернатива, постои и верзија без варење:
• 1 кг лимон
• 1 кг лук
• 1 кг мед
Состојките се мелат и се чуваат во фрижидер, а се користат умерено, според индивидуална толеранција.
Стар народен рецепт за поддршка на крвните садови
Здравјето на крвните садови игра важна улога во целокупната благосостојба.
Со текот на годините, неправилната исхрана и недоволното движење можат да придонесат за намалена еластичност на крвните садови и насобирање на масни наслаги.
Поради тоа, многумина бараат поприродни решенија што нема дополнително да го оптоварат организмот, а следниот рецепт е еден од најсподелуваните.
Потребни состојки
• 4 цели лимони со кора
• 1 парче корен од ѓумбир (големина на палец)
• 4–5 чешниња лук
• 2 лажици мед
• 2 литри вода
Постапка
Лимонот добро измијте го и прелијте го со врела вода. Исечете го на парчиња и отстранете ги семките. Ѓумбирот и лукот исчистете ги и сомелете ги.
Водата загрејте ја и оставете малку да излади (до околу 60 °C), па додајте ги лукот, ѓумбирот и медот. На крај додајте го лимонот.
Оставете ја смесата да се одржува на ниска температура околу два часа (или во термос). Потоа изладете, изблендирајте и процедете.
Начин на употреба
Се пие по 100 мл наутро на празен стомак и навечер, во циклуси:
3 недели консумирање → 1 недела пауза → 4 недели повторно.
Според искуствата на корисниците, чувството на леснотија и подобра енергија се забележува по неколку недели редовна употреба.
