Тенките, свиленкасти влакна кои се кријат под листовите на пченката најчесто завршуваат во отпад. А токму тие – пченкарната свила – со векови се користат во народната медицина како еден од најмоќните природни диуретици.
Денес, и современите истражувања потврдуваат дека овој скромен природен дар може да има значајна улога во поддршката на бубрезите, уринарниот тракт и намалувањето на задржувањето течности во организмот, пишува НМД.
🌿 Зошто пченкарната свила е толку ценета?
Пченкарната свила содржи биоактивни соединенија кои:
• го поттикнуваат излачувањето на вишок течности,
• помагаат во прочистување на уринарниот тракт,
• го намалуваат притисокот врз бубрезите,
• придонесуваат за намалување на отокот во нозете и зглобовите.
Токму затоа, таа се смета за природен пријател на бубрезите, особено кај лица кои имаат чувство на тежина, надуеност или често мокрење во текот на ноќта.
Пченкарната свила е моќен природен диуретик кој помага за бубрезите, уринарниот тракт и отечените нозе, пишува НМД. Еве како правилно да подготвите лековит чај.
🫖 Потребни состојки
• 1 полна рака пченкарна свила (правилно исушена)
• 1 литар вода
🧺 Како правилно се суши пченкарната свила
Пченкарната свила распострете ја во тенок слој врз памучна кујнска крпа и оставете ја да се суши на провев, но не и на директно сонце.
Кога целосно ќе се исуши и ќе исчезне целата влага, складирајте ја во хартиена кесичка или стаклена тегла.
👉 Квалитетна и лековита пченкарна свила е свежата, зеленикава, а не кафеавата и нагниена.
Пченкарната свила – природен лек број 1 за бубрези и отечени нозе
☕ Подготовка на чај од пченкарна свила
Една полна рака исушена пченкарна свила ставете во чајник и сипете две шолји топла вода (не премногу врела).
Оставете да отстои 10 минути, процедете и пијте млако. По желба, додајте неколку капки лимон.
При поизразени тегоби
• 25 г пченкарна свила
• 1 литар вода
Подгответе чај и пијте го во текот на денот наместо обична вода.
🔬 Како делува пченкарната свила во организмот
Редовната и умерена употреба на чај од пченкарна свила може:
• да го поттикне природното исфрлање на токсини,
• да помогне при воспаленија на мочниот меур,
• да го намали задржувањето вода во телото,
• да придонесе за олеснување кај болки во зглобови,
• да помогне при ноќно мокрење,
• да биде поддршка при диети, поради детокс ефектот.
⚠️ Важен совет
Иако станува збор за природен препарат, пред подолготрајна употреба задолжително консултирајте се со лекар, особено ако имате хронични заболувања или земате терапија.
