Летото е во полн ек, а високите температури станаа секојдневие! Сите пиеме ладни пијалаци за што побрзо да се освежиме, а еве како телото реагира на ладните пијалаци:
При високи температури човекот почнува да се поти, потта се излачува од порите и испарува на површината на кожата, со што се лади и температурата на телото останува константна.
Но, овој механизам предизвикува телото да губи многу течност, која мора да се обнови. Ладните пијалаци се првото нешто по кое посегнуваме во топлите летни денови за да се разладиме и да ја победиме жештината.
Консумирањето разладени пијалаци ни помага да ја задоволиме жедта и да се освежиме за момент, но прашање е колку е здрава оваа навика и дали може да биде шок за човечкото тело на температури над 35 °C.
Како телото реагира на високи температури?
Кога е жешко, човекот почнува да се поти, и тоа не без причина. Зголемувањето на температурата во лето предизвикува телото да одржува терморегулација со потење. Потта се излачува од порите и испарува на површината на кожата.
Така, го лади и температурата на телото останува константна, дури и при топло време. Сепак, овој механизам предизвикува телото да губи многу течност, која мора да се замени во форма на вода и други пијалаци.
Дали треба да избегнувате ледени пијалаци?
Експертите потсетуваат дека е важно да се консумира доволно вода секој ден за да се поддржат функциите на телото, вклучително и варењето и метаболизмот, да се одржува нормалната телесна температура и да се одржуваат здрави органите и ткивата.
Исто така, ладењето со вода помага да се избегне дехидрација, што може да предизвика други здравствени проблеми.
Температурата на нашето тело е обично 37 °C, па ако консумираме разладена, ледена вода, таа е насочена кон регулирање на оваа температура. Односно, студената течност влијае на нашето тело испраќајќи погрешни сигнали до организмот.
Кога човек пие ладен пијалак, телото мисли дека разликата во температурата мора да ја надомести со „загревање“. И тогаш почнува да произведува топлина, што резултира со токму спротивен ефект од она што ни треба во тоа време.
Исто така, ако за време на оброкот се консумира ладна вода или ладен пијалак, тогаш нашето тело почнува да користи енергија потребна за да ја регулира телесната температура, која инаку би се користела за варење и апсорпција на хранливите материи.
Друга причина да избегнувате да пиете ладна вода, особено за време или после оброк, е тоа што ги зголемува шансите за развој на иритирана слузокожа, болки во грлото и затнат нос. Тоа значи дека во лето воопшто не се препорачуваат ледени пијалаци.
