Потребни состојки:
250 мл газирана вода
1 лажица сув квасец
2 лажици шеќер
250 мл масло
600 г брашно
За фил од мак:
250 г мелен мак
125 г шеќер во прав
150 г џем од сливи
За фил од ореви:
250 г мелени ореви
125 г шеќер во прав
150 г џем од кајсија
За премачкување:
Џем од кајсии
Мелени ореви
Постапка:
Во 250 мл млака газирана вода ставете лажичка сув квасец, да се активира околу 5 минути. Додадете 2 лажици шеќер, 250 мл масло и брашно. Замесете го тестото, добро изработете го па поделете го на 3 дела.
Измешајте 250 г мелен мак со 125 г шеќер во прав.
Првиот дел од тестото развлечете го и ставете го во подмачкан плех за печење со величина 20х35 см, преку него премачкајте со 150 г џем од сливи и распоредете мешавина од мак и шеќер.
Одозгора ставете ја втората кора, па премачкајте со џем од кајсии и преку наросете со мешавина од мелени ореви и шеќер.
Развлечете ја третата кора и ставете ја одозгора. Оставете да кисне 30 минути, на неколку места избоцкајте до дното со чепкалка и печете на 180 степени околу 30 минути.
Печената пита превртете ја на чинија за послужување, така што слојот од мелен мак ќе биде најгоре. Уште додека е топла премачкајте ја со џем од кајсии и наросете мелени ореви.
