Месните ролати одамна се многу популарни низ целиот свет, а нивната популарност го достигна врвот кога сопругата на Ричард Никсон во едно интервју откри дека токму овој ролат му е омилениот на поранешниот претседател и му го подготвува барем еднаш месечно.
Оттогаш месните ролати се подготвуваат ширум светот, не само поради едноставната подготовка, туку и поради фантастичниот вкус. Одличен предлог е и доколку сакате на празнична трпеза наместо обично печено месо, да послужите нешто вкусно и многу сочно.
Доколку сте љубители на пикантна храна, тогаш задолжително пробајте го овој рецепт, бидејќи покрај лутата пиперка, кон крајот на печењето обилно се посипува и со црн пипер. Еве што ви е потребно за да го подготвите:
ПОТРЕБНИ СОСТОЈКИ: 2 главици црвен кромид, малку маслиново масло, 1 лута пиперка, 650 г свинско месо, 50 г пармезан кашкавал или обичен кашкавал кој лесно се растегнува, 2 јајца, 3 лажици лебни трошки/презла, малку сечкан магдонос.
ПОСТАПКА: Излупете ги главиците кромид и исечкајте ги прво на прстени, па после на ситни коцки. Потоа, лутата пиперка исечкајте ја на коцки, па извадете ги семките и дршката. На малку масло пропржете го кромидот на средна температура, за да не ви загори.
Кога ќе омекне кромидот, додајте ја исечканата лута пиперка. Со повремено мешање, гответе уште сосем кратко, пред кромидот да почне да се карамелизира. Тргнете го филот настрана и оставете да се олади. Во меѓувреме подгответе ги состојките за месото.
Свинските шницли (отприлика 2-3) исечете ги на коцки, па ставете ги во блендер да се изблендираат како паста. Во сомелената паста додајте го пропржениот кромид со пиперката и маслото. Изблендирајте ги состојките накратко, додека да се соединат.
Во пастата додајте рендан пармезан, јајцата, презлата и сечканиот магдонос. На крајот зачинете ги состојките со сол и црн пипер, по вкус. Добро соединете. Во долгнавеста тава ставете хартија за печење и добро подмачкајте ја со масло.
Истурете ја смесата на неколку наврати и израмнете со шпатула. Потребно е да користите помала тава, за ролатот да изгледа повисок. Ставете го ролатот да се пече во претходно загреана рерна на 180 степени, околу 45 минути.
Извадете го месото од калапот и превртете го на обложен плех со хартија за печење и премачкајте со масло и многу црн пипер. Вратете го во рерна на 200 степени, уште 10 минути. Црниот пипер ќе помогне месото да фати коричка одозгора и ќе биде многу вкусно. Деталите од целата постапка можете да ги погледнете во видеото ОВДЕ.
