„Здраво, денес со вас сакам да споделам еден рецепт на монахињите од манастирот Рукумија. Може да го подготвите во посна или мрсна варијанта, но како и да го подготвите, јадењето е превкусно. Затоа не го пропуштајте овој рецепт, испробајте и со сигурност ќе ви се допадне,“ вели Валентина од истоимениот канал.
За посна варијанта, изоставете ги потребните состојки од првиот дел и прејдете на подготвување на подварокот, според подолу напишаната постапка. Ручекот нема да ви одземе повеќе од 20 минути подготовка, а потоа се става на печење. Еве што ви е потребно:
ПОТРЕБНИ СОСТОЈКИ: 500-700 г мелено месо, 1 главица кромид, 2 јајца, 3 лажици презла, неколку чешниња лук, зачини (сол, суви зачини, црн пипер, магдонос, лук, зачинет црвен пипер. ЗА ПОДВАРОК: 2 главици кромид, 1 морков, 1 помал корен пашканат, 1 пиперка, 2-3 домати, 1/4 зелка, 300 г леќа, 250-300 мл сос од домати, масло за преливање, 2 лажици брашно и 1 лажица зачинета црвена пиперка.
ПОСТАПКА: Исечкајте една главица кромид на поситни коцки и ставете ги во подлабок сад. Одозгора ставете го меленото месо, јас обично користам телешко мелено месо. Скршете две јајца и додајте ги во садот, а потоа ставете 3 лажици презла (гриз), неколку чешниња лук, поминати низ преса и зачини.
Посолете со 1 лажичка сол, ставете 1/2 лажичка црн пипер, 1-2 лажички црвена зачинска пиперка, сув или свеж магдонос, лук во гранули итн.. Измешајте ја смесата со месо, додека сите состојки да се инкорпорираат и потоа прекријте го садот со проѕирна фолија и ставете го во фрижидер на 1 час, додека смесата да се стегне. За тоа време, почнете да го подготвувате подварокот, а доколку ручекот го подготвувате во посна варијанта, почнете само со негова подготовка.
ПОДГОТОВКА НА ПОДВАРОКОТ: Во едно тавче ставете малку масло и вклучете ја ринглата за маслото да се загрее. Во меѓувреме, исечкајте 2 главици кромид на полупрстени и ставете ги во загреаното масло. Исечкајте го морковот на тенки ленти, па на коцки и додајте го во тавчето.
Исечкајте еден помал корен од пашканат и пиперката на ситни коцки, па ставете ги во тавчето и малку промешајте, додека се пржат на тивко. Подгответе ги доматите така што ќе ги исечкате на ситни парчиња, па ќе ги додадете пред крајот, заедно со ситно исечканата зелка.
Кога состојките ќе се пропржат, додајте ги доматите и зелката и гответе уште неколку минути со повремено мешање, додека течностите да испарат. Зачинете го пржениот зеленчук по вкус, а одозгора прелијте со доматен сос. Малку промешајте, па тргнете од рингла.
Во едно подлабоко тенџере или поголем лонец на дното ставете ја леќата и фино распоредете ја. Врз леќата наросете неколку ловорови листови, па одозгора излејте го подварокот и распоредете го подеднакво низ тенџерето. Прелијте со 1-1,5 литри вода, додека да се прелијат состојките.
Покријте со капак и ставете на печење во претходно загреана рерна на 200 степени, отприлика 1 час и 10 минути. Доколку правите мрсна варијанта, извадете го меленото месо од фрижифер и формирајте поголеми ќофтиња, со приближно иста големина. Испржете ги ќофтињата на тавче со загреано масло.
По изминатото време, извадете го тенџерето од рерна, а настрана на рингла растопете го путерот со брашното и црвената зачинска пиперка. Излејте преку подварокот и наредете ги ќофтињата од мелено месо (за мрсна варијанта). Покријте со капак и вратете во рерна на печење уште 20-тина минути. Деталите од целата постапка можете да ги погледнете во видеото ОВДЕ.
