„Лондонски штангли“ се старински колач чиј рецепт се пренесувал од колено на колено, а толку е вкусен што веднаш ќе правите двојна мера. Денес рецептот за овој превкусен колач се чини дека малку е подзаборавн, иако порано често го правеа нашите баби и мајки.
Многумина го споредуваат со „жербо коцките“ и “даминиот каприц“, а претставува совршен спој од путер-тесто, џем од кајсии и печен шам од белки кој се топи во уста. Ќе ви претставиме три верзии кои се разликуваат во количината и соодносот на состојките, но имаат иста постапка за приготвување. Еве што ви е потребно:
ПОТРЕБНИ СОСТОЈКИ – РЕЦЕПТ 1: 140 г путер, 80 г шеќер, 1 јајце, сок и рендана кора од 1 лимон, 245 г сенаменско брашно, 1 кесичка (10 г) прашок за печиво. За фил: 5-6 супени лажици џем од кајсии. За втора кора од белки: 4 белки, 200 г шеќер во прав, 150 г мелени ореви и неколку раце сечкани ореви за одозгора
ВТОРА ВЕРЗИЈА: 150 г путер, 150 г шеќер, 5 жолчки, 300 г брашно, сок и рендана кора од 1 лимон. За фил: 200 г џем од кајсии. За втората кора од белки: 200 г мелени ореви, 5 белки, 250 г шеќер, 50 г сечкани ореви
ТРЕТА ВЕРЗИЈА: 200 г путер/маргарин, 320 г брашно, 4 жолчки, 150 г шеќер, кора од лимон. Фил: џем од кајсии. Кора од белки: 4 белки, 180 г шеќер, 120 г мелени ореви, 80 г сечкани ореви за одозгора
ПОСТАПКА за рецепт 1: путерот исечкајте го на коцки и оставете го да омекне на собна температура. Потоа ставете го во некој подлабок сад, додајте го шеќерот и пенасто изматете го со миксер. Потоа додајте едно цело јајце и непрекинато изматете додека да се инкорпорира. (Ако во тестото ги додавате и жолчките, тогаш одземете го јајцето и малку од лимоновиот сок.)
Потоа додајте сок од еден лимон и ситно рендана кора па продолжете со матење додека да се распореди. Во посебен сад просејте го брашното и помешајте го со прашокот за печиво. Започнете постепено да го додавате во путерот додека непрекинато матите со миксерот.
Кога смесата ќе згусне, месењето продолжете го рака, или пак сменете ги продолжетоците на миксерот и ставете маталки за тесто. Не додавајте повеќе брашно од наведеното, бидејќи тестото треба да биде меко и лепливо.
Плех со димензија 22 см (со средна величина) намастете го со четка и наросете го со брашно да се обложи на дното и ѕидовите, а вишокот истресете го. Тестото префрлете го во подготвениот плех, а со задниот дел на лажица развлечете го во рамна кора. За полесно работење, лажицата натопувајте ја во ладна вода за да не се лепи тестото.
Ставете да се пече во претходно загреана рерна на 180 степени, 7-8 минути. За тоа време пенасто изматете 4 белки. Кога ќе добиете цврст шам, започнете постепено да го додавате шеќерот во прав. Треба да добиете густа, растеглива смеса. Додајте ги мелените ореви и изматете до изедначување.
Полупечената кора премачкјате ја рамномерно со џемот, па одозгора распоредете го шамот од белки и израмнете. Наросете со сечкани ореви и допечете го во врелата рерна уште 15-18 минути. Оладениот колач сечете го на штангли. Деталите погледнете ги ОВДЕ. Од третата верзија деталите погледнете ги ОВДЕ.
