БРЗИ УШТИПЦИ КОИ НЕ ВПИВААТ ТРОШКА МАСЛО, секој втор ден ги правам, а децата ги сакаат во слатка и солена варијанта. Запишете си го овој рецептот, бидејќи нема поубав и повкусен појадок или вечера од овие уштипци.
Ви велам, откога ми беа мали децата почнав секојдневно да ги правам, а до ден денес сè уште се радуваат кога ќе им ги приготвам. Ги јадат и благи и солени, а се подготвуваат за неполни 30 минути. Нема побрз рецепт за подготовка на уштипци од овој, а потребни ви се само 5 состојки.
Во некои делови од нашата земја се нарекуваат „пишии“, односно тестото е исто како и за мекици само што начинот на подготовка е малку поразличен. Според некои објаснувања пишиите се прават од кора и директно се пржат во тавчето, а уштипците се црпат со лажица па се ставаат на пржење.
Порано пишиите ги правеле од истото тесто како и за лебот, а мекиците и уштипците се приготвувале од помеко тесто. Како и да е, вкусот е одличен, бидејќи во овој рецепт тестото се замесува со јогурт. Еве што ви е потребно:
Потребни состојки: 2 јајца, 300 мл јогурт, 1 чајна лажичка сол, 600 г брашно (јас користев тип 500), 1 кесичка прашок за печиво или 12 г.
Постапка: Сите состојки си ги спремив во посебен сад, а потоа само ги додавав во поголем сад за замесување на тестото. Најпрво скршете ги двете јајца и изматете ги со рачна жица, маталка.
Потоа додајте 300 мл јогурт, 1 чајна лажичка сол, па повторно добро промешајте. Постепено додавајте го брашното ипомешано со 1 кесичка прашок за печиво. Како што го додавате брашното, мешајте се додека да се формира тесто, нелепливо под прсти.
На крајот треба да добиете тесто кое лесно ќе се одвојува од садот и нема да лепи. Подготвеното тесто истресете го на набрашнета рамна површина, па развлечете го со оклагија во кора со приближно 5 мм во дебелина.
Потоа се сече тестото на еднакви вертикални линии, а потоа на помали хоризонтални, како коцки, но можете да го исечете и на триаголници, баклави или кругови, како крофни. Вака исеченото тесто се остава да отстои 10 минути, а во меѓувреме во тенџере на рингла се става маслото да се загрее (околу една чаша, 200 мл).
Во загреаното масло се пржат уштипците колку што собира во тенџерето, прво се пржат од едната па од другата страна, додека да заруменат, а потоа се вадат во чинија обложена со хартиена салветка за да се впие вишокот маснотија. Деталите од целата постапка може да ги погледнете во видеото ОВДЕ.
