15 – минутен колач кој освежува исто како сладолед

Потребни состојки:

3 јајца

3 лажици шеќер

3 лажици брашно

малку прашок за печиво

за крем:

400 мл јогурт

80 г шеќер

500 мл слатка павлака

1 лимон – сок и рендана кора

1 крем фикс (шлаг фикс)

1 кесичка од 10 г желатин во прав – по потреба

1 кесичка црвен прелив за колачи – по желба

и уште е потребно околу 500 г јагоди

Постапка:

Јагодите измијте ги, исечете ги на половинки или на помали парчиња.

Испечете кора: изматете ги јајцата со шеќерот, додадете брашно и прашок за печиво, смесата излијте ја во тепсија 40х20 см и печете на 170 степени околу 15-тина минути.

Изматете ја слатката павлака во цврст снег (додадете еден крем фикс за да биде поцврсто), додадете јогурт, шеќер, ванилин шеќер, лимонов сок и рендана кора. Ова би требало да биде густо, а доколку не е, тогаш ставете и еден желатин. Кога ќе исечете парче треба да стои цврсто.

Врз кората намачкајте малку крем, наредете јагоди и намачкајте го остатокот од кремот, па прелијте со црвен прелив за торти (ова е по желба, не морате).

Можете и да го направите и како за торта: калап 30 см обложете го со пишкоти натопени во топло млеко, па истурете половина крем, наредете исечени јагоди, повторно натопени пишкоти, крем и на крај јагоди и прелив за торти.

Loading...