Многу вкусен и сочен колач со вкус на баклава, но со поинаква текстура и мекост. Мора да го пробате, овој колач се топи во уста, а толку лесно се приготвува. Послужете го со кафе и уживајте во вкусот.
Потребните состојки веројатно веќе ги имате дома, а не ви е потребна вага, бидејќи сè се мери со лажица. Единствено што ќе ви биде потребено за да ги изматите јајцата е миксерот и тепсија од 30 см во кој ќе го испечете колачот.
Потребни состојки: 6 јајца, 6 лажици шеќер, 6 лажици брашно, 6 лажици масло, 6 лажици мелени ореви, 6 лажици млака вода, 1 лажичка рендана кора од лимон, 1 кесичка прашок за печиво. За шербет: 400 мл вода и 400 г шеќер. Тепсија 30 см.
Постапка: во еден подлабок сад искршете ги јајцата и пенасто изматете ги со миксер додека да згусне и побели смесата. Потоа постепено започнете да го додавате шеќерот и матете додека тој да се растопи.
Потоа додајте ги мелените ореви ренданата кора од лимон , шесте лажици масло и шесте лажици млака вода. Матете со жица додека да се соединат состојките. Потоа додајте шест лажици брашно и една кесичка прашок за печиво.
Повторно измешајте со жицата додека да се изедначи смесата. Калап или тепсија со димензија 30 см намастете ја со малку масло и наросете малку брашно, а вишокот истресете го. Хомогената смеса излејте ја во подготвениот калап.
Израмнете, протресете и ставете да се пече во третходно загреана рерна на 200 степени. Штом го ставите колачот во рерна, намалете ја температурата на 180 степени и печете околу половина час.
Додека се пече колачот вие пригответе го шербетот: во едно тенџере ставете 400 г шеќер и 400 мл вода. Откако ќе зоврие, варете го сирупот на околу 5 минути (по желкба кој сака може да додаде и ванилин шеќер и неколку тркалца лимон).
Печениот колач (во видеото се печеше точно 30 минути) исечете го на коцки или баклави по желба. Потоа прелијте го рамномерно (со помош на кутлача) со приготвениот шербет.
Одозгора наросете мелени ореви (количина по ваша желба) и оставете го колачот да се олади и да го впие сирупот. Најдобро е откако ќе се олади на собна температура, потоа да го ставите во фрижидер или ладна просторија за убаво да излади.
Послужете го со кафе и уживајте во неговиот предобар вкус. Ќе се уверите дека брзо се прави а уште побрзо се јаде. Деталите од целата постапка можете да ги погледнете во видеото ОВДЕ, / Сеида Атиќ Хаџибеговиќ / а фотографиите погледнете ги во галеријата подолу:
