Старинска обланда со млеко и ореви…КАРАМЕЛ ОБЛАНДА…Совршен колач од само 3 состојки…
Едноставно, брзо и многу вкусно! Совршен десерт од само 3 состојки…Еве што ви е потребно:
ПОТРЕБНИ СОСТОЈКИ:
2 литри млеко
1 кг шеќер
250 г мелени ореви
1 пакување обланди
ПОСТАПКА:
Во тенџере сипете 2 литри млеко и 1 кг шеќер. Почекајте да зоврие на силен оган со повремено мешање. Кога млекото ќе зоврие, намалете ја топлината на средно и варете уште 1 час и 40 минути со повремено мешање.
Секогаш бидете во близина на тенџерето и не оставајте го без надзор, бидејќи млекото не смее да зоврие. Кога смесата ќе добие карамел боја, тргнете ја од оган. Потоа додајте 250 г мелени ореви. Сè убаво измешајте.
Потоа на плехот ставете ја првата кора од обланда и со лажица намачкајте го филот, обидувајќи се рамномерно да го распоредите филот по целата површина. Не грижете се ако ставите премногу фил, секој вишок ќе излезе од страните.
Над првиот слој од филот ставете ја втората кора од обланда и рамномерно притиснете ја кората убаво да се вклопи врз првата. Повторете го процесот на полнење до последната кора. Последната кора не ја филувајте!
Откако ќе ги искористите сите кори и ќе ја наполните обландата, одозгора треба да ставите крпа и неколку тешки предмети за корите да легнат убаво една врз друга со филот.
Оставете вака неколку часа (колку подолго толку подобро) за да се стегне филот и да омекне обландата. Потоа можете да ја исечете на парчиња во посакуваната форма и да ја послужите. Постапката погледнете ја во видеото ОВДЕ:
