Стар и заборавен рецепт за „шах-мат“ торта…Денес ретко кој ја прави, но оние кои ја пробале, добро се сеќаваат на вкусот…
Се прашував каков колач да направам во некој од следните денови и додека пребарував по мојата стара искината тетратка, помислив на една заборавена стара торта „шах-мат“.
Сепак, не можев да го најдам меѓу рецептите во тетратката, па веднаш и се јавив на тетка ми, бидејќи таа ја правеше оваа торта.
И после работа ги засукав ракавите за кремот да се впие преку ноќ и да уживам во убаво сочно парче со моето попладневно кафе в петок попладне… Вкусот ме врати години наназад во моето безгрижно детство…Еве што ви е потребно:
ПОТРЕБНИ СОСТОЈКИ
5 јајца
300-400 г шеќер
300 г кисело млеко
1 лажичка сода бикарбона
2 лажички прашок за печиво
250 мл масло
околу 550 г брашно
какао во прав за кафеавата кора (околу 2-3 лажици)
За кремот:
1600 мл млеко
6 јајца
400 г шеќер или по вкус
8 лажици брашно
8 кесички ванилин шеќер
200 г путер
ПОСТАПКА:
Посебно изматете ги белките со постепено додавање на шеќерот додека да добиете цврст снег. Потоа една по една додајте ги жолчките. Во киселото млеко додајте сода бикарбона и промешајте за да се активира.
Додајте го во кремот од јајца, а потоа и маслото. На крај додајте го просеаното брашно помешано со прашок за печиво и мешајте бавно со жица или шпатула за да остане смесата воздушеста.
Тестото поделете го на 4 дела, а во двата од нив додајте по 1.5-2 лажици какао за да станат кафеави.
Корите испечете ги во калап 24 см во претходно загреана рерна на 180 степени, по 20-25 минути или во зависност од вашата рерна. Оставете да се оладат пред да ги исечете на прстени.
За кремот:
На шпорет ставете 1200 мл млеко, путер, шеќер и ванила. За тоа време изматете ги преостанатите 400 мл млеко, јајцата и брашното до хомогена смеса.
Додајте ја оваа смеса во зовриеното млеко во тенок слој. Енергично изматете со жица додека да згусне.
Ако се формираат грутки, можете да изматите со миксер. Оставете да се излади само неколку минути и додека е уште топло, филувајте ги корите на следниот начин:
Во тркалезен калап со флексибилен обрач (не мора) ставете една кора составена од прстени со наизменична боја, прилепени со малку фил. Сипете 1/4 од филот, па ставете друга кора на ист начин, но со спротивни бои.
Откако че ја наредите целата торта, завршете со крем и оставете ја тортата во фрижидер преку цела ноќ. Оставете малку крем за да ја декорирате тортата од страните.
Добар апетит за оние што ќе прават. Фото Саша Сашас, рецепт на Ани Ангарова.
