Некои нови чупавци обвиткани со бело чоколадо и ливчиња од бадем. Може да бидат достојна замена за торта така што ќе се наредат едно до друго.
Потребни состојки:
3 јајца
50 г шеќер
100 мл масло
100 мл млеко
150 г пченично остро брашно
½ прашок за печиво
1 ванилин шеќер
За крем:
200 мл млеко
200 г бело чоколадо
150 г путер
2 лажици пина колада (или некој друг ликер од кокос)
120 г кокосово брашно
100 г бадеми во ливчиња
Постапка:
Жолчките и шеќерот пенасто изматете ги.
Додадете масло, млеко, брашно помешано со прашок за печиво и ванилин шеќер.
На крај полека додадете го снегот од белки, мешајќи во една насока со превртување за да остане воздушесто.
Смесата излејте ја во намастена и набрашнета тепсија, па печете во загреана рерна на 180 степени околу 20 минути.
Изладениот бисквит исечкајте го на коцки.
Млекото и чоколадото искршено на коцки загрејте ги на тивко или на пареа, а потоа додадете путер и загрејте до вриење.
Тргнете од оган и додадете ликер со кокос.
Коцките натопувајте ги во чоколадото и валкајте во смеса од кокос и бадемови ливчиња.
Изладете пред послужување.
