Фото и рецепт: Снежана Трајковиќ
Уште една тура слатко од кајсии од 3 кг.
Потребни состојки:
3 кг кајсии
2 кесички сода бикарбона
2,700 г шеќер (3 кеси по 900 г)
1,200 мл вода
Постапка:
Кајсиите се мијат убаво, се лупат со тенко ноже и се сечат на половинки за да им се извади семката.
Исчистените кајсии се пуштаат во вода во која претходно сме раствориле две пакетчиња сода бикарбона. Во овој раствор се оставаат да отстојат два часа.
Во поголемо тенџере се ставаат 3 кеси шеќер од по 900 грама со 1200 мл вода. Се остава да зоврие и да се направи шербет со густина на мед.
Кајсиите се мијат од содата, се цедат во цедалка, па се ставаат во шербетот. Откако ќе почне да пени постојано се собира пената и се вади. Се вари околу 25 минути, но тоа зависи од кајсијата.
Слаткото не се меша при варењето, туку само се протресува тенџерето. по желба кој сака може да додаде неколку тркалца лимон, при крајот од готвењето.
Тенџерето завиткајте го со мокра (исцедена) крпа и оставете го слаткото да се олади. Следниот ден складирајте го во чисти тегли. / Слатко од кајсии (Фото и рецепт: Снежана Трајковиќ)
