Неодамна наполнив 52 години и можам да кажам дека слабеењето не ми оди од рака како порано. После 50-та година, женското тело повеќе не е исто.
Метаболизмот се забавува, а тоа секоја жена може да го почувствува. Не се држам никогаш до строги диети, но го практикувам процесот на автофагија или гладување во период од 16 часа, секојдневно.
За некого можеби нема да функционира, но за некои ќе функционира, во секој случај, во периодот на „гладување“ телото се ослободува од вишокот масти и токсини.
Сакам на жените да им посочам што правам јас откога ја наполнив 50-та година и ми помага да ги намалам килограмите.
Се разбира, килограмите не се намалуваат лесно како порано, а можеби и нема да ја достигнете „златната бројка“ од младоста, но тоа е во ред.
Слабеењето оди поспоро, но е здраво. Кај некои можеби и за еден месец ќе забележат промени на телото. Но, сепак ќе речам, ова не фунционира за секој и не значи дека е правилно.
Често моите пријателки ме прашуваат „Бети, како ослабе и ние сакаме како тебе“, а јас им велам да почнат да ги прават овие основни работи во период од 1 месец.
Освен што помага за намалување на килограмите, забележувам дека и мојата кожа е почиста, посвежа и посветла, како и косата, но и моето расположение е подобро, за разлика од порано кога ми беше често променливо за „жена во години“.
За жените, слабеењето по 50-та година исто така може да биде тешко поради хормоналните промени кои се случуваат пред и во текот на менопаузата.
Доколку имате над 50 години и сакате да ослабете, овие седум совети ќе ви помогнат во тоа, пред сѐ да го намалите обемот на половината.
Започнете со тренинг за сила. Вежбајте со помали тегови или со ленти за отпор или правете вежби за сила. Секоја физичка активност е добредојдена, а предност се дава на кардио вежбите, кои вклучуваат трчање, пливање, брзо пешачење и планинарење.
Пијте многу вода. Водата му помага на целиот организам да се прочисти од насобраните токсини.
Покрај тоа, го „заситува стомакот“ и овозможува храната лесно да патува низ метаболизмот. Течната храна како супи, чорби, овошје и зеленчук исто така помага да се чувствувате сити со многу малку калории.
Трошете повеќе, отколку што внесувате. Како што е наведено претходно, започнете го денот со свежо овошје, 2 часа по станување од кревет. Пред тоа, испијте една чаша вода со неколку капки лимон.
Ручекот треба да биде поздрав, да се состои од зеленчук (по можност варена храна).
Месо може да консумирате, но во помали количини. Јајцата се исто така одлични, а тестенините и масната храна избегнувајте ја. Направете пауза од десертите.
Намалете го внесот на додаден шеќер. Честото консумирање слатки може да придонесе за зголемување на телесната тежина бидејќи „додадениот шеќер создава дополнителни калории, но не обезбедува хранливи материи.“
Вежбајте свесно јадење. Не сте секогаш гладни кога ќе помислите на храна.
Обраќањето внимание на знаците за глад и ситост не само што може да ви помогне да ја одржите витката линија, туку што е уште поважно, може да ве направи свесни за вашите физички и емоционални потреби за храна и на долг рок, може да ви помогне да ги одржите вашите цели за слабеење.
Избегнувајте ги сите засладени пијалаци. Избегнувањето на засладени пијалаци е најдобриот прв чекор во ограничувањето на вашиот дополнителен внес на калории.
Шеќерот во течна форма брзо се апсорбира, што предизвикува значителен скок на инсулинот за да го одржува шеќерот во крвта стабилен. Кога инсулинот е висок, телото не ги користи добиените масти за создавање енергија, туку ја складира.
Зголемете го внесот на влакна. Оброците со здрави влакна го одржуваат човекот подолго сит, што може да спречи прекумерно јадење нездрава, висококалорична храна.
Влакната ги има во непреработена растителна храна: леќа, овошје, зеленчук, цели зрна, јаткасти плодови и семки.
