Турскиот „топ“ каранфил е омилениот цвет на нашите баби. Покрај тоа што е исклучително отпорен и долготраен, овој цвет е и миризлив.
Минатата пролет ми наидов на семе од „топ“ каранфили. Отпрвин си помислив да ги отфрлам и дека не ми требаат каранфили во дворот, но тогаш си реков зошто да не.
Најдов оддалечено место на крајот од градината, го посеав семето од каранфилите и заборавив на нив. Бидејќи не ги надгледував ниту ѕирнав, не забележав дека тие пораснаа со брзина на светлината.
Дојде средината на летото, а тие воопшто немаа дури ниту пупки и немаше знак дека можат да цветаат. Ја прашав мајка ми кога ќе процвета тој цвет, а таа ми рече: „Следната година!“
Мислев дека се шегува со мене, но потоа прочитав дека овој цвет се развива побавно ако го посееме од семе.
Доколку сакате летово да процвета, засадете го турскиот каранфил како веќе напреден расад кој можете да го купите на секој пазар.
Сепак, среќата ме послужи, па на крајот на минатото лето ги видов прекрасните цветови на турскиот каранфил и веднаш се вљубив во нив. Стотици шарени глави никнаа од среќниот агол во градината, а оттаму се шири прекрасен мирис.
Не можев да одолеам, па собрав неколку цвеќиња и ги ставив во вазна. Тогаш сфатив дека ова се најдолготрајните цвеќиња што постојат. Буквално седеше во вазна 2 недели додека не се исуши.
Еве неколку совети за одгледување на овие цвеќиња:
Април е совршен за сеење каранфили во градината.
Во средината на мај засадете го каранфилот како расад, но направете го тоа пред вечер, бидејќи каранфилот не сака да се пресадува на сонце.
Каранфилот полевајте го 1 до 2 пати неделно, бидејќи не сака многу вода. Можете да го засадите и во саксии, ќе биде подеднакво весел и долготраен.
На каранфилите не им пречи зимата, па затоа убаво ќе си преспијат во градината за време на студеното време и ќе ја дочекаат пролетта за да „оживеат“.
Ако го засадите во саксии, користете умерено пропустлива почва.
Бидејќи расте и до 50 см, добро е да го врзете некако за да не го скрши дождот и ветерот. Постојат и џуџести видови каранфили кои растат и до 25 см.
Каранфилот цвета до крајот на летото, а најубавиот и најбујниот цвет е во јуни и јули.
