Сите наши грижи, искуства, сите радосни и тажни настани оставаат белег на нашето лице, како потсетник на животниот пат што сме го поминале. Затоа брчките се навидум неизбежен придружник на зрелоста.
Брчките предавнички нè компромитираат и на сите им откриваат колку често се смееме, колку време сме потрошиле во напорна работа и колку солзи сме пролеале низ годините. Затоа, одберете го вистинскиот производ против брчки и не мора да се грижите дека ќе бидете изневерени.
Ќе ви ја откриеме тајната на неколку едноставни и ефикасни маски, кои ќе направат вашето лице повторно да блесне со безгрижна младост и убавина.
Маски со рибино масло
Најдобриот лек за брчки е рибиното масло. Содржи голема количина на витамини А и Е, кои го забрзуваат процесот на регенерација на кожата, а воедно ја прават мазна и еластична.
Ако се борите со „фините линии“ и старечките дамки, измешајте рибино масло со кисела павлака која содржи повисок процент на млечни масти и сок од лимон – само една кафена лажичка е доволна, колку да добиете конзистенција убава за мачкање, како крем.
Нанесете ја смесата на кожата, почекајте 20-30 минути, а потоа отстранете ја со козметичка шпатула. Остатокот од маската измијте го со претходно подготвен чај од камилица.
Маската со рибино масло и мед совршено ги измазнува длабоките брчки. Добро измешајте една лажичка рибино масло со иста количина мед. Со лесни движења, рамномерно нанесете ја оваа смеса на кожата на лицето и држете ја само 20-30 минути.
Потоа отстранете ја маската со марамче и измијте ги остатоците со топла вода. Нанесете ја оваа маска двапати неделно и наскоро ќе го видите посакуваниот резултат во огледалото.
Чистото рибино масло е најефикасното средство за отстранување на брчките околу очите. Дерматолозите препорачуваат да го нанесете пред спиење. Доволно е да го држите на кожата 20 минути и потоа да го измиете со чиста вода.
За да го подобрите ефектот, можете да користите рибино масло и надворешно и внатрешно, во форма на суплемент.
Искуства за користење рибино масло
Ана: „Редовно пијам рибино масло, а го користам и како главна состојка во маската. Пред процедурата ја чистам кожата со пилинг и ја омекнувам на пареа. Ефектот од мешавината на мед и масло може да се забележи веќе по првото нанесување. Кожата престанува да биде сува и акните исчезнуваат. Го препорачувам на сите“.
Светлана: „Правам маска од сок од лимон, неколку капсули рибино масло и павлака. Овој состав ја храни и хидрира кожата. Резултатот е одличен, а состојките се достапни“.
Марина: „Кога ги добив првите брчки, почнав да барам производи за нивно отстранување. Пробав многу скапи производи, но ефектот не беше долготраен и брчките се враќаа веднаш штом ќе престанев да ги користам.
Една пријателка ме советуваше да пробам рибино масло. За да го одржам резултатот, повремено правам маски од крем, жолчка од јајце и рибино масло. Постапката е економична и не бара многу време“.
За повеќе корисни совети заследете ја NMD.mk, лајкнете ја и споделете ја нашата страница. Следно прочитајте: „Ако почнете да земате рибино масло секој ден, ова се 10 работи кои ќе ви се случат“ – ОВДЕ.
Ако почнете да земате рибино масло секој ден, ова се 10 работи кои ќе ви се случат
