Долг и здрав живот е она кон што сите се стремиме, а најчесто зборуваме за „сините зони“ во кои луѓето живеат подолго отколку во остатокот од светот. Сините зони се области во светот каде луѓето живеат најдолг живот, постојано достигнувајќи 100 години. Спротивно на тоа, просечниот животен век во САД во моментов е 77 години, според CDC.
Таков е, на пример, градот Лома Линда во Калифорнија, познат по тоа што неговите жители живеат десет години подолго од просечниот Американец. Ден Батнер, еден од истражувачите кои се занимаваат со долговечноста, објаснува како три работи ги уништуваат луѓето – стресот, брзината и грижата.
„Кога ќе завршам со работа во петок, престанувам со сѐ што е поврзано со неа. Го исклучувам телевизорот и почнува мојот „мини-одмор“, објаснува д-р Батнер. Во Лома Линда живеат околу дваесет илјади жители, а нивниот животен стил се карактеризира со полувегетаријанска исхрана, вешто управување со стресот и многу вежбање и време на чист воздух.
Инаку, ова е првиот град во Америка во кој не е дозволено пушење. Навиките кои го продолжуваат животот не се поврзани само со здравјето, туку и со работата и односот кон работата.
Маргарет Стретон го прослави својот 100-ти роденден и вели дека работела до минатата година. „Не сакав да се пензионирам, таа работа ми даде чувство дека мојот живот има цел. Да не зборуваме за тоа колку убави односи имав со моите колеги! Открив вистинска фонтана на младоста.”
Многу стогодишници објаснуваат дека позитивниот став кон сè и животот фокусиран на сегашноста им дал сила да издржат многу предизвици. Оние кои не можеа да ги задржат своите работни места, се посветија на креативните хобија – сликањето и пишувањето.
„Гледам дека многу постари луѓе престануваат да работат и често потоа веќе не се грижат за ништо“, објаснува Норма Барзман (102), сценарист која живее и работи во Калифорнија. „Секогаш кога ќе сретнам некој на моја возраст кој сè уште пишува, слика, е страстен за нешто, гледам дека живее многу посреќно од другите. Тоа е всушност клучот на долговечноста – да го работите она што го сакате со полна страст.
„Отсекогаш сè сум правела со страст“, објаснува Ајрис Апфел, познатата модна икона која го прослави својот 101 роденден. Самиот факт што секој проект е во моето срце ми дава нова сила и ме подмладува.“
Жителите кои живеат во оригиналните области на сините зони споделуваат заеднички животни навики. Паметното јадење е едно од нив. Луѓето кои живеат во Окинава, Јапонија имаат мудра стратегија кога станува збор за одржување здрава тежина.
Го нарекуваат „хара хачи бу“, што значи да престанете да јадете кога сте сити 80%. Истражувањата покажуваат дека скратувањето на калориите може да доведе до подобро здравје на срцето, долговечност и губење на тежината.
Всушност, губење на само 10% од вашата телесна тежина нуди значителни здравствени придобивки, како што се понизок крвен притисок и холестерол, што може да го намали ризикот од срцеви заболувања.
