Направете протеински плочки кои се одлична закуска за вас и вашите деца, а ќе ви дадат енергија за цел ден. Многу се здрави и преполни со сè што ви треба за да ве одржи витални во текот на денот.
Нутритивна вредност по бар/плочка:
Протеини: 13,32 г
Јаглехидрати: 34,13 г
Влакна: 9 г
Масти: 29,72 г
Калории: 430
ПОТРЕБНИ СОСТОЈКИ: (12 плочки)
150 г бадем – 1 чаша
100 г ореви – 1 чаша
130 г семки од тиква – 1 чаша
50 г гоџи бери – 1/2 чаша
350 г меки урми без семки – 2 полни чаши
1 чаша путер од бадем (265 г) ИЛИ путер од јаткасти плодови по избор (по можност несолен)
1/4 лажичка сол (јас додадов розова хималајска сол)
1/2 лажичка мелен цимет ИЛИ по вкус
Квадратна тава: 9 X 9 X 2 инчи (23 X 23 X 5 см)
МЕТОД:
Започнете со пржење на бадемите околу 2 минути на средна температура, а потоа додајте ги оревите и семките од тиква и потпечете уште 2 минути.
Откако ќе се истостираат јатките, тргнете ги настрана и оставете ги целосно да се изладат. Не ги препекувајте за да им се промени вкусот. Доволно е само убаво да замирисаат.
Сега додајте ги урмите и путерот од бадеми во процесорот за храна и добро измешајте ги, а потоа додајте ги тостираните ореви, гоџи бери, мелен цимет и сол. Изблендирајте.
ПРОТЕИНСКИ/ЕНЕРГЕТСКИ ПЛОЧКИ:
Подгответе калап намачкувајќи го со масло долниот дел и страничните ѕидови и обложете го со хартија за печење. Префрлете ја смесата, распоредете ја и притиснете ја со лажица за да се спакува цврсто.
Одвојте време бидејќи е НАВИСТИНА важно да го притиснете цврсто, особено на аглите – ова ќе спречи какви било воздушни празнини и ќе спречи да се распаѓаат додека сечете. Измазнете ја површината.
Сега покријте со пластична фолија и оставете да се олади прво на собна температура, а потоа и во фрижидер 2 до 3 часа.
Откако ќе се стегне, извадете го од калапот и со остар нож исечете го во посакуваната форма. Погрижете се да го исчистите ножот со хартиена крпа после секој засек, тоа ќе ги одржува исечоците чисти.
Откако ќе го исечете, завиткајте ги плочките поединечно во пластична фолија или хартија за печење и чувајте ги во фрижидер. Рок на траење: 3 до 4 недели.
ПРОТЕИНСКИ/ЕНЕРГЕТСКИ ТОПКИ:
Земете две лажици од смесата и притиснете ја меѓу дланките додека да се стегне и да се формира во форма на топка. Потоа измазнете ја површината. Можете да ги чувате во лимена кутија или да ги завиткате поединечно во пластична фолија или хартија за печење.
ВАЖНИ СОВЕТИ:
-Веднаш штом се потпечат оревите/семките/урмите тргнете ги од оган и префрлете ги во чинија да се излади. Ова ќе го спречи да загорат. НЕ ги оставајте во топла тава.
-Користете само МЕКИ урми
-Доколку смесата стане премногу сува и тешко се врзува, додајте уште малку путер од бадем
-Понекогаш јаткастите плодови/семките/урмите се посуви од вообичаено и можеби ќе им треба повеќе путер.
-(Изборно) Со четкање на тавата со масло ќе се спречи смесата да се залепи на страните
-Навистина е важно да одвоите време да ја притиснете смесата правилно во тавата додека да се стегнат особено аглите. Ова ќе го спречи распаѓањето на плочките додека ги сечете.
-За да ги одржувате исечоците чисти, исчистете го ножот со хартиена крпа помеѓу секој нов засек.
-Смесата можете да ја обликувате во топчиња, доколку не сакате да правите плочки. Уживајте!Видеопрезентацијата погледнете ја ОВДЕ.
