Рецепт за зачинет леб со кромид, сирење и чили
Овој вкусен леб со кромид, кашкавал и чили е совршен спој на крцкава кора и мека внатрешност, збогатен со ароми на зачини и топено моцарела сирење.
Идеален е како прилог на семејни ручеци или како самостојна ужина.
Со едноставни состојки и брза подготовка, овој леб ќе стане омилен на вашата трпеза, пишува НМД. Еве што ви е потребно:
ПОТРЕБНИ СОСТОЈКИ:
– 120 г брашно
– 8 г шеќер
– 3 г сув квасец
– 10 г млеко во прав
– 2 г сол
– 110 мл млака вода
– 15 мл масло
– 50 г моцарела (рендано кашкавал)
– 1 мала главица кромид (тенко исечкана)
– 1 лажичка суво оригано
– 1 лажичка чили снегулки
– 1 лажица свеж магдонос (ситно исечкан)
– Малку брашно за посипување
– НМД
ПОСТАПКА:
1. Во длабок сад измешајте ги брашното, шеќерот, сувиот квасец, млекото во прав и солта. Добро промешајте за состојките рамномерно да се распоредат.
2. Постепено додавајте ја млаката вода и мешајте додека да се формира тесто. Потоа додајте го маслото и продолжете да месите околу 5-7 минути додека да добиете мазно и еластично тесто.
3. Премачкајте го тестото со малку масло, покријте го со чиста крпа и оставете го да отстои на топло место 30 минути или додека да го удвои волуменот.
4. По 30 минути, лесно притиснете го тестото за да го испуштите воздухот и развлечете го во правоаголна форма со дебелина од околу 1 см. Посипете малку брашно по работната површина за да не се лепи.
5. Префрлете го тестото на плех обложен со хартија за печење. Оставете го да отстои уште 10 минути.
6. Со остар нож направете неколку плитки засеци на површината на тестото. Потоа рамномерно распоредете го кашкавалот, кромидот исечкан на тенки кругови, чили снегулките, ориганото и ситно исечканиот магдонос.
7. Печете го лебот во претходно загреана рерна на 160 °C околу 15-20 минути или додека да добие златно-кафеава боја и крцкава кора.
8. Извадете го лебот од рерната, оставете го малку да се излади, па исечете го на парчиња и послужете го топол.
Напомена: За уште поинтензивен вкус, можете да додадете малку рендан пармезан пред печењето. Уживајте во овој ароматичен леб со чаша вино или омилениот сос! Постапката погледнете ја во видео прилогот ОВДЕ:
